អ្នកចាស់របស់សង្សារមិនគួរឲ្យខ្លាច ខ្លាចតែគេនៅមានចិត្តលើអ្នកចាស់
- 2021-04-14 10:00:00
- ចំនួនមតិ 0 | ចំនួនចែករំលែក 0
អ្នកចាស់របស់សង្សារមិនគួរឲ្យខ្លាច ខ្លាចតែគេនៅមានចិត្តលើអ្នកចាស់
សង្សារចាស់របស់សង្សារអ្នកគ្មានអ្វីគួរឲ្យខ្លាចនោះទេ អ្វីដែលគួរឲ្យខ្លាចក្នុងមនោសញ្ចេតនាគឺ សង្សារអ្នកនៅនឹកដល់អ្នកចាស់។
ជឿជាក់ថា មនុស្សជាច្រើនតែងតែគិតថា សង្សារចាស់របស់សង្សារគឺជាអ្វីដែលគួរឲ្យខ្លាចខ្លាំងណាស់ ដោយតែងតែក្រែងរអារនឹងវត្តមានរបស់គេជានិច្ច។ និយាយតាមត្រង់ទៅ បើថាមិនគួរឲ្យខ្លាចសោះក៏មិនត្រូវដែរ ដ្បិតមានហេតុផលជាច្រើន ដែលគេអាចមកយកសង្សារអ្នកវិញ ទោះជាពួកគេបានបែកគ្នាហើយក៏ដោយ។ នេះជាហេតុផលដែល មនុស្សស្រីតែងតែត្រួតពិនិត្យយ៉ាងម៉ត់ចត់នូវទំនាក់ទំនងរវាងសង្សាររបស់ខ្លួន និងអ្នកចាស់របស់គេ។
តែស្រីៗទាំងឡាយអើយ ត្រូវដឹងថា សង្សារចាស់របស់គេមិនគួរឲ្យខ្លាច ស្មើនឹងការដែលគេនៅសល់អារម្មណ៍នឹកអ្នកចាស់ឡើយ។ តាមការពិតទៅ អ្នកចាស់នឹងគ្មានឥទ្ធិពលអ្វីសូម្បីតែបន្តិចបើសង្សារអ្នកអស់ចិត្តពីគេស្រឡះហើយ។ មានហេតុផលច្រើនដែលធ្វើឲ្យគេទាក់ទងនឹងអ្នក ទាំងនៅអាល័យ មនុស្សចាស់នៅឡើយ។ នោះគឺគេចង់បំភ្លេចអ្នកចាស់ ទើបយកអ្នកធ្វើមនុស្សជំនួស ឬមកពីទម្រង់មុខរបស់អ្នកស្រដៀងនឹងអ្នកចាស់របស់គេជាដើម។ មនុស្សប្រភេទនេះគឺគួរឲ្យខ្លាចជាទីបំផុត។
អ្នកប្រៀបដូចជាចំណែកលើសនៅក្នុងមនោសញ្ចេតនាមួយនេះ គេទៅរកអ្នកតែពេលដែលគេធុញទ្រាន់ ឬឯកាប៉ុណ្ណោះ។ នៅពេលអ្នកចាស់ទាក់ទងមកវិញ គឺគេអាចបោះបង់អ្នកចោលគ្រប់ពេលវេលា។
ថាមិនត្រូវនៅពេលនៅក្បែរអ្នក មនុស្សដែលគេគិតដល់ ជាអ្នកចាស់ក៏ថាបាន។ កំពុងដើរជាមួយអ្នក តែគេនៅតែគិតពីអនុស្សាវរីយ៍ដែលគេធ្លាប់មាននឹងអ្នកចាស់ប៉ុណ្ណោះ។ អ៊ីចឹងបានគេថា អ្នកចាស់របស់អ្នកថ្មី មិនគួរឲ្យខ្លាច តែអ្វីដែលគួរឲ្យខ្លាចនោះគឺ អ្នកថ្មីរបស់អ្នក នៅមានចិត្តនឹងគេប៉ុណ្ណោះ៕
ចុចអាន៖ ៤ សកម្មភាពត្រូវជៀសវាងដាច់ខាតពេលណាត់ជួប crush លើកដំបូង បើមិនចង់ឲ្យគេរត់