៤ សកម្មភាពត្រូវជៀសវាងដាច់ខាតពេលណាត់ជួប crush លើកដំបូង បើមិនចង់ឲ្យគេរត់
- 2019-08-09 02:30:00
- ចំនួនមតិ 0 | ចំនួនចែករំលែក 0
៤ សកម្មភាពត្រូវជៀសវាងដាច់ខាតពេលណាត់ជួប crush លើកដំបូង បើមិនចង់ឲ្យគេរត់
នៅពេលដែលពាក្យថា crush ទៅហើយ គឺមិនទាន់ដឹងនៅឡើយទេថា គេមានអារម្មណ៍លើយើងឬអត់នោះទេ ដូចនេះគ្រប់សកម្មភាពគឺត្រូវប្រុងប្រយ័ត្នទាំងអស់។ បើមិនដូចនោះទេ គេនឹងវាយតម្លៃយើង។ ដើម្បីឲ្យគេមានអារម្មណ៍ល្អលើយើងដែរ អ្នកគួរជៀសធ្វើរឿងទាំង៤នេះ។
១. និយាយបែកពពុះមាត់
ទោះបីជាធម្មជាតិរបស់មនុស្សស្រីគឺនិយាយច្រើនបន្តិចមែន តែនៅក្នុងកាលៈទេសៈដែលភាគីទាំងសងខាងមិនទាន់ស្និទ្ធិគ្នាខ្លាំង យើងមិនគួរបើកចំហរចិត្តខ្លាំងពេកនោះទេ ដែលអាចធ្វើឲ្យគេងាយធុញនឹងយើង ដោយគួរនិយាយអ្វីដែលត្រូវនឹងប្រធានបទគឺគ្រប់គ្រាន់ហើយ។
២. និយាយពីអតីតកាល
ប្រសិនបើអ្នកជាមនុស្សធ្លាប់ឆ្លងកាត់ស្នេហារួចហើយ រឿងដែលគួរជៀសវាងបំផុត គឺនិយាយពីអ្នកចាស់របស់អ្នក ជាពិសេសនោះគឺ យកគេមកប្រៀបធៀបនឹងអ្នកចាស់របស់យើង។ ទោះមិនទាន់ជាអ្វីនឹងគ្នាក៏ដោយ តែគេនឹងវាយតម្លៃថា អ្នកជាមនុស្សប្រៀបធៀប។
៣. ផឹកដូចអ្នកប្រមឹក
កន្លែងដែលអ្នកទាំង២ណាត់គ្នា អាចជាហាងមួយដែលមានលក់គ្រឿងស្រវឹង។ ទោះបីជាធម្មតា អ្នកចូលចិត្តផឹកច្រើនយ៉ាងណា ក៏នៅក្នុងឱកាសនេះអ្នកមិនត្រូវផឹកច្រើនហួសកំរិតនោះទេ។ ព្រោះវាមិនត្រឹមតែគ្មានសុជីវធម៌នោះទេ តែអ្នកនឹងបាត់បង់តម្លៃខ្លួនឯងក្នុងភ្នែកគេផងដែរ។
៤. រើសម្ហូប ឬទីកន្លែងជ្រុល
ក្នុងករណីភាគច្រើន នៅពេលណាត់ជួបជាមួយ crush គេនឹងមិនទុកឲ្យមនុស្សស្រីជាអ្នកចេញលុយនោះឡើយ ដូចនេះប្រសិនបើអ្នកទាំងពីរមានកន្លែងត្រូវទៅហើយ ក៏ស្រុះស្រួលតាមគ្នាចុះ។ តែប្រសិនបើគេរើសកន្លែងហើយ អ្នកអាចស្របតាមគេ បើកន្លែងនោះមិនធ្វើឲ្យអ្នកទើសចិត្តខ្លាំងពេកនោះទេ៕
ចុចអាន៖ ស្រលាញ់តែបែកគ្នាវិញនៅកន្លែងធ្វើការ នារីរឹងមាំគួរធ្វើរឿងទាំងនេះកុំឲ្យមានទុក្ខលំបាក