រោគសញ្ញានៃការមានផ្ទៃពោះដំបូង គឺអាការ:ពធម្មតាស្ទើរតែមិនដឹង សម្រាប់ស្ត្រីដែលកំពុងមានកូនថ្មីថ្មោង។ ប៉ុន្តែដើម្បីឱ្យប្រាកដ បន្ទាប់ពីសញ្ញាព្រមានបានកើតមានឡើង រឿងដែរស្ត្រីគួរធ្វើដំបូងបង្អស់ គឺត្រុវទៅជួបគ្រូវេជ្ជបណ្ឌិតដើម្បីពិនិត្យរោគសញ្ញា និងកំណត់ថា តើអ្នកពិតជាមានផ្ទៃពោះ ឬអត់?

១. វដ្តរដូវប្រចាំខែមិន មក

ការបាត់រដូវគឺជាសញ្ញាដំបូងដែលស្ត្រីចាប់ផ្តើមដឹងថាពួកគេជិតមានដំណឹងល្អហើយ។ ដូច្នេះពេលមករដូវមិនធម្មតា ឬមិនមក ប្រហែលជា 10 ថ្ងៃហួសថ្ងៃកំណត់ប្រចាំខែ សម្រាប់ស្ត្រីមានមានដៃគូជាសញ្ញាខ្ពស់ថានាងមានផ្ទៃពោះ។

២. ឧស្សាហ៍វិលមុខ ងងឹតមុខ ឬខ្សោយ

ដោយសារតែរោគសញ្ញាទាំងនេះគឺបណ្តាលមកពីរាងកាយ ត្រូវបញ្ជូនឈាមបន្ថែមទៀតដើម្បីចិញ្ចឹមអំប្រ៊ីយ៉ុង និងស្បូន។ ជាលទ្ធផល ឈាមទៅចិញ្ចឹមខួរក្បាលមានតិចជាងមុន បណ្តាលឱ្យដួលសន្លប់ និងវិលមុខមួយរំពេច។ នេះគឺជាសញ្ញាព្រមានមួយសម្រាប់អ្នកមានផ្ទៃពោះមានការហត់ហេវជារឿងធម្មតា មិនគួរបារម្មណ៍។

៣. ចង្អោរ និងក្អួត

ជារឿយៗមានការចង្អោរ និងចង់ក្អួត ជូរមាត់ចង់ញាំរបស់មានជាតិជូរ ឬអាហារគ្រឿងៗ។ ពេលខ្លះមានអារម្មណ៍ចង់បានរបស់ចម្លែកៗនិងតាមទិញទាល់តែបាន។ នោះក៏ព្រោះតែអ័រម៉ូនក្នុងខ្លួនមានការផ្លាស់ប្តូរ។ រាងកាយក៏ផលិតអរម៉ូនមួយហៅថា Human Chorionic Gonadotropin ដែលបណ្តាលឱ្យចង្អោរ ក្អួត និងអស់កម្លាំង ចំពោះស្ត្រីកំពុងមានផ្ទៃពោះ ទើបធ្វើឲ្យប្រព័ន្ធសរសៃប្រសាទបញ្ជាឱ្យចង់ញ៉ាំរបស់ជូរ ឬផ្លាស់ប្តូរចំណង់ធ្លាប់ញាំ។

៤.ឈឺសុដន់

ពេលចាប់ផ្តើមមានផ្ទៃពោះ វានឹងមានការឈឺចាប់ខ្លាំងនៅបរិវេណខាងក្នុងសុដន់។ ហើយទំហំនៃសុដន់នឹងរីកធំជាងមុន។ ជាមួយនឹងសរសៃប៉ោងនៅលើសុដន់ និងមានស្នាមតូចៗលេចឃើញឡើង កើតនៅតំបន់ក្បាលដោះ លើសពីនេះទៀតក្បាលសុដន់មានភាពរសើប ឬស្រៀវ។

៥. មានការស្ពឹកនៅផ្នែកខាងក្រោមពោះ

ការឈឺចាប់នៅផ្នែកខាងក្រោមពោះ គឺជារោគសញ្ញានៃការមានផ្ទៃពោះ ដែលបង្កឡើងដោយស៊ុតបង្កកំណើតដែលផ្សាំក្នុងជញ្ជាំងស្បូន បណ្តាលឲ្យមានឈាមចេញមកក្រៅ។ ជាលទ្ធផលមានការស្ពឹកនៅផ្នែកខាងក្រោមពោះ។ ឈឺពោះ ហើមពោះ និងរោគសញ្ញាស្រដៀងនឹងការមករដូវ ធ្ងន់ខាងក្រោម។

៦. ឈឺខ្នងច្រើនជាងធម្មតា

អំឡុងពេលមានផ្ទៃពោះ ការឈឺខ្នងគឺឈឺខ្លាំងជាងធម្មតា។ ដោយសារតែសរសៃ ឆ្អឹងខ្នងមានទម្ងន់លើសសម្រាប់ត្រៀមទប់ទម្ងន់បន្ថែមរបស់ទារកក្នុងផ្ទៃខ្លួនឯង។

៧. នោមញឹកញាប់

ប្រសិនបើអ្នកនោមញឹកញាប់ ហើយទឹកនោមមានពណ៌លឿងងងឹត នោះជាសញ្ញាព្រមាននៃការមានផ្ទៃពោះ ព្រោះវាបណ្តាលមកពីការរីកធំនៃស្បូនដែលសង្កត់លើប្លោកនោម។ ជាលទ្ធផលប្លោកនោមសង្កត់ហើយប្រែពណ៍ទឹកនោម និងបណ្តាលឱ្យនោមញឹកញាប់។