អាយុ ៤០ស្អែក ខានស្អែកហើយ តែសម្រស់ Song Hye Kyo លើគ្របទស្សនាវដ្ដីឈ្នះអស់មារសត្រូវ
- 2020-12-04 03:05:00
- ចំនួនមតិ 0 | ចំនួនចែករំលែក 0
អាយុ ៤០ស្អែក ខានស្អែកហើយ តែសម្រស់ Song Hye Kyo លើគ្របទស្សនាវដ្ដីឈ្នះអស់មារសត្រូវ
ទោះបីជាមានវ័យជ្រេហើយក្ដី តែកំពូលតារាសម្ដែងស្រីកូរ៉េ Song Hye Kyo នៅតែជាជម្រើសទី១សម្រាប់ទស្សនាវដ្ដីជួរមុខជាច្រើន មិនថាក្នុង ឬក្រៅប្រទេសនោះឡើយ។
កាលពីថ្ងៃទី ៣ ខែធ្នូកន្លងទៅនេះ ទស្សនាវដ្ដី Vogue Hongkong បានចុះផ្សាយកម្រងរូបភាពថ្មីរបស់តារាសម្ដែងស្រីជើងចាស់កូរ៉េ Song Hye Kyo ក្នុងឱកាសស្រីស្អាតរូបនេះ ក្លាយជាតារាគ្របមុខរបស់ទស្សនាវដ្ដីខាងលើសម្រាប់លេខចេញផ្សាយខែធ្នូ ឆ្នាំ២០២០។
ក្រោយពេលរូបភាពទាំងនេះរបស់ស្រីស្អាត ៣៩ឆ្នាំ ត្រូវបានចុះផ្សាយ នាងបានក្លាយជាប្រធានបទ ត្រូវបានគេរំលឹកដល់ច្រើនជាងគេនៅលើបណ្ដាញសង្គម Weibo ភ្លែត។ តាមនោះដែរ មនុស្សជាច្រើនបានសរសើរតួរឿង ម្ចាស់ព្រះអាទិត្យថា ទោះបីជាមានវ័យច្រើនក៏ដូចជាតែងខ្លួនបែបសាមញ្ញក៏ដោយ តែអតីតភរិយារបស់តារាសម្ដែង Song Joong Ki នៅតែស្រស់ស្អាតខ្លាំង មិនចាញ់ប្អូនៗជំនាន់ក្រោយនោះទេ។
ទន្ទឹមនឹងគ្នានេះដែរ ក្រុមហ៊ុនរបស់ តារាកើតឆ្នាំ ១៩៨១ បានឲ្យដឹងថា តារារបស់ខ្លួនកំពុងតែរៀបចំគម្រោងត្រលប់មកវិស័យភាពយន្តវិញ តែមិនទាន់ច្បាស់ថានឹងជ្រើសយកសាច់រឿងមួយណា៕