តូចចិត្តព្រោះគេមើលងាយថាស្គមពេក Angelina Jolie ធ្លាប់អារដៃសម្លាប់ខ្លួន

  • 2017-11-04 01:00:00
  • ចំនួនមតិ 0 | ចំនួនចែករំលែក 0

ទម្រាំ​មាន​ជីវិត​ល្អ​ប្រសើរ​ដូច​សព្វ​ថ្ងៃ​ បុគ្គល​ជោគ​ជ័យ​មួយ​ចំនួន​ប្រាកដ​ជា​ធ្លាប់​ហែល​ឆ្លង​ការ​លំបាក​ច្រើន​រាប់​មិន​អស់​ហើយ​។ ជាក់ស្តែង​ដូច​ជា​តារា​ហូលីវូដ​ជើង​ចាស់​អ្នក​ស្រី ​Angelina​ Jolie ​ដែល​គ្រប់​គ្នា​ប្រហែល​ជា​មិន​បាន​ដឹង​ទេ​ថា ​តើ​គាត់​ធ្លាប់​ឆ្លង​កាត់​ស្ថាន​ភាព​លំបាក​ស្ទើរ​ស្លាប់​ស្ទើរ​រស់​យ៉ាង​ម៉េច​ខ្លះ ​ទម្រាំ​មាន​ជីវិត​ល្អ​ប្រសើរ​ដូច​សព្វ​ថ្ងៃ​នេះ។

លោកស្រី Angelina និងកូនចិញ្ចឹម

លោក​ស្រី ​Angelina​ Jolie ​កើត​នៅ​ឆ្នាំ ​១៩៧៥ ​ក្រោយ​មក​អាយុ​បាន ​១ ​ឆ្នាំ គាត់​ក៏​ត្រូវ​ឪពុក​បោះ​បង់​ចោល​។ ​ក្នុងវ័យ ​១១ ​ឆ្នាំ​កុមារី​រូប​នេះ​ធ្លាប់​ត្រូវ​គេ​ប្រមាថ​មើល​ងាយ​ព្រោះ​តែ​នាង​មាន​រូប​រាង​ស្គម​ស្វិត ​និង​មាន​ពាក់​ធ្មេញ​ដែក ​ដោយ​មិន​អាច​ទ្រាំ​បាន​នាង​ក៏​សម្រេច​ឈប់​រៀន​នៅ​អាយុ ​១៤​ ឆ្នាំ។ ក្រោយ​មក​នាង​បាន​កើត​ជំងឺ​ផ្លូវ​ចិត្ត​ហើយ​តែង​តែ​ព្យាយាម​ធ្វើ​បាប​ខ្លន​ឯង​ជា​រឿយ​ៗ ​រហូត​ស្ថាន​ភាព​ជំងឺ​នេះ​កាន់​តែ​ធ្ងន់​ធ្ងរ នាង​បាន​ចាប់​ផ្តើម​ប្រើ​ប្រាស់​ថ្នាំ​ញៀន​ដើម្បី​រម្ងាប់​អារម្មណ៍​។ ​យ៉ាង​ណា​ក្តី ​នាង​អាច​គ្រប់​គ្រង​ភាព​ញៀន​របស់​ខ្លួន​បាន​ហើយ​ក៏​សម្រេច​ចិត្ត​ដាក់​ពាក្យ​ធ្វើ​ជា​តារា​ម៉ូដែល ​ប៉ុន្តែ​ត្រូវ​គេ​បដិសេធ​ព្រោះ​រូប​រាង​របស់​នាង​ស្គម​ពេក ​ហើយ​មិន​សូវ​ចេះ​មាត់​ក​ច្រើន​ទៀត​។ កត្តា​នេះ​ធ្វើ​ឱ្យ​ស្ថាន​ភាព​ជំងឺ​ផ្លូវ​ចិត្ត​កាន់​តែ​ដុន​ដាប់​ខ្លាំង ​Angelina ​ក៏​ព្យាយាម​សម្លាប់​ខ្លួន​ម្តង​ជា​ពីរ​ដង​ តែ​មិន​បាន​សម្រេច​ឡើយ​។ ដោយ​មិន​អស់​ចិត្ត ​នាង​ក៏​បាន​ចាប់​ផ្តើម​អាជីព​ជា​តារា​សម្តែង​នៅ​អាយុ ​១៨ ​ឆ្នាំ​ទៀត ​តែ​នៅ​តែ​បរាជ័យ វា​ពិត​ជា​មិន​បាន​ធ្វើ​ឱ្យ​នាង​អស់​សង្ឃឹម​ទេ​ទោះ​បី​ជំងឺ​ផ្លូវ​ចិត្ត​នៅ​មិន​ទាន់​ជា​សះ​ស្បើយ​ស្រួល​បួល​ក៏​ដោយ​។ ការ​ខិត​ខំ​ប្រឹងប្រែង​ទាំង​ឈឺ​ទាំង​ជា ​ធ្វើ​ឱ្យ​អ្នក​ស្រី ​Angelina ក្លាយ​ជា​តារា​សម្តែង​ដ៏​ល្បី ​និង​ជា​អ្នក​ដឹក​នាំ​រឿង​ដែល​មាន​ទ្រព្យ​សម្បត្តិ​រាប់​លាន​ដុល្លារ​ដូច​សព្វ​ថ្ងៃ​នេះ​៕

ចុចអាន៖ជីវិតកាន់តែស្មុគស្មាញ កុំបន្ទោសព្រហ្មលិខិត បើ​អ្នក​​ធ្វើ​​​រឿង ៥យ៉ាងនេះ

ប្រភព៖ millionairessayings ប្រែ​សម្រួល៖ អ៊ុង រ័ត្នបញ្ញា

អត្ថបទពេញនិយម