អ្នក​ស្រី Angelina Jolie ​ទទួល​បាន​ការ​កោត​ស្ញប់ស្ញែង​ពី​ទស្សនិកជន​ទូទាំង​ពិភពលោក​ក្នុង​នាម​ជា​តារា​សម្ដែង​ សកម្មជន​ផ្នែក​មនុស្ស​ធម៌ ក៏​ដូចជា​ម្ដាយ​ដ៏​ល្អ​ម្នាក់។ ទន្ទឹម​នឹង​ភាព​ជោគជ័យ​យ៉ាង​ត្រចះ​ត្រចង់​ក្នុង​អាជីព តារា​រូប​នេះ​ក៏​ធ្លាប់​បាន​​ឆ្លង​កាត់​បទ​ពិសោធន៍​ពិបាក និង​បញ្ហា​ជា​ច្រើន​ក្នុង​ជីវិត​​ដូចជា​ការ​តស៊ូ​នឹង​ជំងឺ​មហារីក ក៏​ដូចជា​​បរាជ័យ​រឿង​ស្នេហា។ ទោះ​យ៉ាង​ណា​អ្នក​ដឹកនាំ​រឿង “មុន​ដំបូង​ខ្មែរ​ក្រហម​សម្លាប់​លោក​ប៉ា​ខ្ញុំ” នៅ​តែ​រក្សា​ជំហរ​រឹង​មាំ​រហូត​មក​ដល់​បច្ចុប្បន្ន និង​នៅ​តែ​ជា​និមិត្តរូប​សម្រាប់​ស្ត្រី​ជា​ច្រើន។ ក្នុង​ថ្ងៃ​នេះ​ដែរ​ក្រុមការងារ Kanha សូម​ស្រង់​យក​ពាក្យ​សម្ដី​ជំរុញ​ទឹកចិត្ត​១១ឃ្លា​របស់​ តារា​វ័យ ៤១ឆ្នាំ​រូប​នេះ​ដែល​នឹង​ផ្ដល់​ជា​គំនិត​វិជ្ជមាន​ជា​ច្រើន​សម្រាប់​ប្រិយមិត្ត៖

១. “Make bold choices and make mistakes. It’s all those things that add up to the person you become.” សម្រេច​ចិត្ត​ឲ្យ​មោះមុត​ និង​កុំ​ខ្លាច​នឹង​បង្កើត​កំហុស ព្រោះ​កំហុស​នោះ​ហើយ​ដែល​ធ្វើ​ឲ្យ​ជីវិត​អ្នក​ទៅ​ដល់​គោលដៅ​ដែល​អ្នក​ចង់​បាន។​

២. “Anytime I feel lost, I pull out a map and stare. I stare until I have reminded myself that life is a giant adventure, so much to do, to see.” គ្រប់​ពេល​ដែល​ខ្ញុំ​មាន​អារម្មណ៍​ទាល់​ច្រក ខ្ញុំ​តែង​ទាញ​ផែនទី​ចេញ​មក​ ហើយ​សម្លឹង​មើល។ ខ្ញុំ​មើល​រហូត​ធ្វើ​ឲ្យ​ខ្លួន​ឯង​យល់​ថា​ ជីវិត​គឺ​ជា​ដំណើរ​ផ្សងព្រេង​ដ៏​ធំ នៅ​មាន​អ្វី​ច្រើន​ទៀត​ដែល​ខ្ញុំ​ត្រូវ​ធ្វើ និង​ត្រូវ​មើល​ឃើញ។ ​ ៣. “If I make a fool of myself, who cares? I’m not frightened by anyone’s perception of me.” បើ​គេ​មើល​មក​ថា​ខ្ញុំ​ល្ងង់ ក៏​មិន​ថ្វី ខ្ញុំ​មិន​ដែល​ភ័យ​ខ្លាច​ថា​អ្នក​ណា​គិត​យ៉ាង​ម៉េច​ពី​ខ្ញុំ​នោះ​ទេ។

៤. “I’ve never lived my life in the opinion of others. I believe I’m a good person. I believe I’m a good mom. But that’s for my kids to decide, not for the world.” ខ្ញុំ​មិន​ដែល​រស់​នៅ​​ដោយ​ទោរទន់​តាម​គំនិត​របស់​អ្នក​ដទៃ​នោះ​ទេ។ ខ្ញុំ​ជឿ​ថា​ខ្ញុំ​ជា​មនុស្ស​ល្អ។ ខ្ញុំ​ជឿ​ថា​ខ្ញុំ​ជា​ម្ដាយ​ល្អ ហើយ​ថា​តើ​ខ្ញុំ​ជា​ម្ដាយ​ល្អ​ពិត​ ឬ​មិន​មែន មាន​តែ​កូន​ខ្ញុំ​ទេ​ជា​អ្នក​សម្រេច មិន​មែន​មនុស្ស​លើ​ពិភពលោក​ឡើយ។

៥. “It’s hard to be clear about who you are when you are carrying around a bunch of baggage from the past. I’ve learned to let go and move more quickly into the next place.” វា​ពិត​ជា​ពិបាក​ក្នុង​ការ​ស្វែង​រក​ភាព​ច្បាស់​លាស់​អំពី​ខ្លួន​អ្នក នៅ​ពេល​អ្នក​នៅ​តែ​បន្ត​ទូល​រែក​បញ្ហា​ក្នុង​អតីតកាល។ ខ្ញុំ​តែង​បង្រៀន​ខ្លួន​ឯង​ឲ្យ​កាត់​ចិត្ត​​ ក្រោក​ឈរ​ឡើង​វិញ​ឲ្យ​បាន​លឿន ដើម្បី​ឆ្ពោះ​ទៅ​ជំហាន​ថ្មី​មួយ​ទៀត។

៦. “If you don’t get out of the box you’ve been raised in, you won’t understand how much bigger the world is.” បើ​អ្នក​នៅ​តែ​មួយ​កន្លែង អ្នក​នឹង​គ្មាន​ថ្ងៃ​ដឹង​ថា​ពិភពលោក​ធំ​យ៉ាង​ណា​នោះ​ទេ។

៧. “I want to be of value to the world.” ខ្ញុំ​ចង់​ក្លាយ​ជា​មនុស្ស​ដែល​មាន​តម្លៃ​ចំពោះ​ពិភពលោក

៨. “If every choice you make comes from an honest place, you’re solid, and nothing anybody can say about you can rock you or change your opinion.” ប្រសិន​បើ​អ្វី​ដែល​ជ្រើសរើស​ កើត​ចេញ​ពី​ភាព​ស្មោះត្រង់ អ្នក​នឹង​មាន​ភាព​ជឿជាក់ ហើយ​គ្មាន​សម្ដី​អ្នក​ដទៃ​មក​ពី​ណា​ដែល​អាច​ផ្លាស់​ប្ដូរ​ជំហរ​របស់​អ្នក​បាន​ឡើយ។

៩. “What the worst people in world fear the most is justice.” អ្វី​ដែល​មនុស្ស​អាក្រក់​បំផុត​ខ្លាច​បំផុត​គឺ យុត្តិធម៌។

១០. “Live, without hurting anyone, do not judge people and be absolutely free.” រស់​នៅ​ដោយ​មិន​ធ្វើ​ឲ្យ​នរណា​ម្នាក់​ឈឺចាប់ មិន​វាយ​តម្លៃ​អ្នក​ដទៃ នោះ​អ្នក​នឹង​អាច​រស់​នៅ​យ៉ាង​មាន​ក្ដី​សុខ។​

១១. “I think we all want justice and equality, a chance for a life with meaning. All of us would like to believe that if we were in a bad situation, someone would help us.”

ខ្ញុំ​គិត​ថា​ពួក​យើង​ទាំង​អស់​គ្នា​ត្រូវ​ការ​យុត្តិធម៌ និង​ភាព​ស្មើ​គ្នា ដែល​ជា​ឱកាស​សម្រាប់​ការ​រស់​នៅ​ដោយ​មាន​ន័យ។ អ្វី​ដែល​យើង​ទាំង​អស់​គ្នា​តែង​ប្រាថ្នា​នោះ​គឺ ប្រសិន​បើ​យើង​ជួប​បញ្ហា គឺ​នឹង​មាន​នរណា​ម្នាក់​មក​ជួយ​យើង។

ប្រភព៖ Marieclaire