ភាពខុសគ្នា និងគុណសម្បត្តិរបស់ Cream ដែលនារីៗចូលចិត្តប្រើ ហើយគួរតែយល់ដឹង

2016-12-13 10:25:01
ចំនួនមតិ 0 | ចំនួនចែករំលែក 0

BB Cream បានក្លាយជាក្រែមដ៏ពេញនិយមបំផុតមួយសម្រាប់នារីៗប្រើប្រាស់ប្រចាំថ្ងៃ។ វាត្រូវបានផលិតឡើងដើម្បីស្តាស្បែក ដែលខូចដោយសារគ្រឿងសំអាងផ្សេងៗ។ ក្រៅពី BB Cream ក៏មានក្រែមដទៃផ្សេងទៀត បានបង្ហាញខ្លួនផងដែរ ដូចជា CC, DD, PP និង EE Cream ជាដើម។

តើក្រែមទាំងអស់នោះ មានភាពខុសគ្នា និងគុណសម្បត្តិបែបណាខ្លះ?

១.ក្រែម BB Cream

BB គឺជាពាក្យកាត់នៃ «Beauty Balm»។ វាអាចផ្តល់សំណើម និងកាត់បន្ថយការរលាក លើស្បែកមុខរបស់អ្នក ប៉ុន្តែវាមិនអាចកម្ចាត់សារធាតុសំណើមផ្សេងទៀតបានឡើយ។ BB Cream សក្ដិសមចំពោះស្បែកច្រើនប្រភេទ។

២.ក្រែម CC Cream

CC គឺជាពាក្យកាត់នៃ «Color Control»។ ក្រែមប្រភេទនេះ ត្រូវបានបង្កើតឡើងដើម្បីស្តា ស្បែកលឿង ឬក្រហមនៅលើផ្ទៃមុខ ដែលមើលទៅដូចជាមនុស្សឈឺ។ វាមានសារធាតុ ដែលអាចធ្វើឲ្យស្បែករបស់អ្នក ស្រស់ថ្លា និង ម៉ត់រលោង។ ប៉ុន្តែ វាមិនមែនជាជម្រើសល្អ សម្រាប់អ្នកមានបញ្ហាស្បែក ឬស្បែកមានជាតិខ្លាញ់ច្រើនឡើយ។

៣.ក្រែម DD Cream

DD គឺជាពាក្យកាត់នៃ «Daily Defense»។ វាជួយការពារ និងមើលថែ ស្បែករបស់អ្នក។ ក្រែមប្រភេទនេះល្អខ្លាំងណាស់ ក្នុងការការពារស្បែក ពីកាំរស្មីនៃពន្លឺព្រះអាទិត្យ។ ទោះជាយ៉ាងណា វាមិនល្អប៉ុន្មានឡើយ ប្រសិនបើប្រើប្រាស់វាច្រើនពេក ព្រោះវាអាចបិទរន្ធញើសរបស់អ្នក។ ប៉ុន្តែវាធ្វើការបានយ៉ាងល្អបំផុតនៅលើស្បែកចាស់។

៤.ក្រែម PP Cream

PP គឺជាពាក្យកាត់នៃ «Pink Perfect»។ វាត្រូវបានប្រើនៅពេល Makeup។ ភាគល្អិតនៃសារធាតុ Silicon ដែលមាន អាចបំពេញផ្នែកមិនស្មើគ្នាទាំងអស់ នៅលើស្បែក ធ្វើឲ្យស្បែករលោង និងរាបស្មើ។ ក្រែមប្រភេទនេះ សក្តិសមចំពោះស្បែកជាច្រើនប្រភេទ ប៉ុន្តែគួរតែប្រើរួមគ្នា ជាមួយផលិតផលថែរក្សាផ្ទៃមុខ ដទៃទៀត។

៥.ក្រែម EE Cream

EE គឺជាពាក្យកាត់នៃ «Extra Exfoliation»។ វាជួយបង្កើតស្បែកថ្មី និងកម្ចាត់កោសិកាស្បែកដែលងាប់ចោល។ មិនតែប៉ុណ្ណោះ វាក៏ជួយការពារស្បែក ពីកម្ដៅព្រះអាទិត្យ និងផ្តល់សំណើមដល់ស្បែកទៀតផង។ ក្រែមប្រភេទនេះមួយចំនួន មានរួមបញ្ចូលនូវសារធាតុការពារប្រឆាំងនឹងពន្លឺអ៊ុលត្រា UV ជាមួយនឹង ការប្រឆាំងនឹងការកើតមុន ផងដែរ។ ប៉ុន្តែ អ្នកមិនគួរប្រើក្រែម EE Cream ញឹកញាប់ឡើយ ហើយក៏មិនគួរប្រើវាចំពោះស្បែកស្ដើង និងងាយប្រតិកម្មដែរ៕