ហេតុផលសំខាន់ៗដែលកុមារត្រូវការការគេងគ្រប់គ្រាន់ ការគេងគ្រប់គ្រាន់មានសារៈសំខាន់ណាស់សម្រាប់ការលូតលាស់និងសុខុមាលភាពរបស់កុមារ។ វាជួយគាំទ្រដល់ការអភិវឌ្ឍខួរក្បាល ការរៀនសូត្រ និងការលូតលាស់រាងកាយ។

ខាងក្រោមនេះគឺជាហេតុផលសំខាន់ៗដែលកុមារត្រូវការការគេងគ្រប់គ្រាន់៖

• ១. គាំទ្រការអភិវឌ្ឍខួរក្បាល៖ ពេលគេង ខួរក្បាលរបស់កុមារដំណើរការយ៉ាងសកម្មក្នុងការបង្កើតទំនាក់ទំនងថ្មីៗ។

• ២. ជួយក្នុងការរៀនសូត្រនិងចងចាំ៖ ការគេងគ្រប់គ្រាន់នឹងជួយពង្រឹងការចងចាំនិងលទ្ធភាពរៀនសូត្រ។

• ៣. គាំទ្រការលូតលាស់រាងកាយ៖ ដោយសារអ័រម៉ូនលូតលាស់ត្រូវបានបញ្ចេញច្រើនបំផុតពេលគេង។

• ៤. ពង្រឹងប្រព័ន្ធភាពស៊ាំ៖ ការគេងគ្រប់គ្រាន់នឹងជួយពង្រឹងប្រព័ន្ធការពាររាងកាយអោយកាន់តែរឹងមាំ។

• ៥. គ្រប់គ្រងអារម្មណ៍៖ កុមារដែលគេងគ្រប់គ្រាន់អាចគ្រប់គ្រងអារម្មណ៍បានល្អ រួសរាយមិនសូវរករឿង រឺ រញាំរញ៉ូវច្រើន។

• ៦. កាត់បន្ថយហានិភ័យនៃជំងឺធាត់៖ ការគេងមិនគ្រប់គ្រាន់នឹងអាចបង្កើនហានិភ័យនៃជំងឺធាត់ចំពោះកុមារ។

ម៉ោងគេងដែលណែនាំតាមអាយុ៖

• ១. ទារក (០-៣ ខែ)៖ ១៤-១៧ ម៉ោងក្នុងមួយថ្ងៃ
• ២. ទារក (៤-១១ ខែ)៖ ១២-១៥ ម៉ោងក្នុងមួយថ្ងៃ
• ៣. កុមារតូច (១-២ ឆ្នាំ)៖ ១១-១៤ ម៉ោងក្នុងមួយថ្ងៃ
• ៤. កុមារមុនវ័យរៀន (៣-៥ ឆ្នាំ)៖ ១០-១៣ ម៉ោងក្នុងមួយថ្ងៃ
• ៥. កុមារវ័យរៀន (៦-១៣ ឆ្នាំ)៖ ៩-១១ ម៉ោងក្នុងមួយថ្ងៃ
• ៦. មនុស្សជំទង់ (១៤-១៧ ឆ្នាំ)៖ ៨-១០ ម៉ោងក្នុងមួយថ្ងៃ ការគេងគ្រប់គ្រាន់មានសារៈសំខាន់ណាស់សម្រាប់សុខភាពនិងការលូតលាស់របស់កុមារ។

សូមឪពុកម្តាយគួរយកចិត្តទុកដាក់លើការបង្កើតទម្លាប់គេងល្អ និងធានាថាកូនរបស់ពួកគេទទួលបានការគេងសម្រាកគ្រប់គ្រាន់តាមតម្រូវការនៃអាយុរបស់ពួកគេ។

ប្រភព​៖ម៉ាក់ពេទ្យ