មិត្តភាពមានច្រើន ប៉ុន្តែការធ្វើជាមិត្តល្អគឺជាគុណភាពដែលមិនមែនគ្រប់គ្នាចេះតែកើតមាននោះទេ។ តើអ្នកដឹងដោយរបៀបណាថាអ្នកជាមិត្តល្អ? តើមានគន្លឹះដើម្បីក្លាយជាមិត្តល្អទេ? ខាងក្រោមនេះគឺជាចំណុចមួយចំនួន ដើម្បីក្លាយជាមិត្តល្អ៖

១ . ផ្តល់អាទិភាពដល់មិត្តភាពរបស់អ្នក

មិនថាជីវិតរបស់អ្នករវល់យ៉ាងណាទេ ចូរចំណាយពេលសម្រាប់មិត្តភាព។ អ្នកនឹងក្លាយជាមិត្តដ៏មានតម្លៃ ដរាបណាអ្នកធ្វើឱ្យទំនាក់ទំនងនេះជាផ្នែកសំខាន់នៃជីវិតរបស់អ្នក។ ទុកពេលសម្រាប់ការហៅជាវីដេអូ កំណត់ពេលអាហារពេលល្ងាច ឬទៅដើរលេង។ ទោះបីជាអ្នកវិនិយោគត្រឹមតែពីរបីនាទីនៃពេលវេលារបស់អ្នកក៏ដោយ វាមានន័យច្រើនចំពោះមិត្តភាពរបស់អ្នក។

២ . ដឹងពីរបៀបអភ័យទោស

នរណាក៏ចេះមានកំហុសដែរ ប៉ុន្តែយើងក៏ត្រូវលើកលែងទោសនោះបានដែរ។ ប្រសិនបើគ្មានកន្លែងសម្រាប់ការអភ័យទោស ការអាក់អន់ចិត្តត្រូវបានរីកដុះឡើង វានឹងមានបញ្ហាជាមិនខាន។ នេះមិនមែនជាលក្ខណៈដែលមានក្នុងមិត្តល្អទេ។

៣ . ឆ្លើយការហៅទូរសព្ទ និងសាររបស់ពួកគេ

ការឆ្លើយសារឬការហៅទូរសព្ទគឺជាវិធីមួយដើម្បីបង្ហាញភាពជាដៃគូ ជាពិសេសប្រសិនបើមិត្តភ័ក្តិកំពុងជួបបញ្ហាការងារ ស្នេហា ឬបញ្ហាផ្សេងទៀត។ ប្រសិនបើអ្នកជាមិត្តល្អម្នាក់ ចូរអ្នកកុំទុកមិត្តរបស់អ្នក ឱ្យនៅម្នាក់ឯង។

៤. លើកទឹកចិត្តមិត្ត ពេលមានបញ្ហា

មិត្តល្អគួរតែលើកទឹកចិត្តមិត្តភ័ក្តិ ក្នុងពេលមានបញ្ហា ដើម្បីសម្រេចគោលដៅក្នុងជីវិត។

៥ . ស្តាប់និងគោរពអាថ៌កំបាំងរបស់មិត្ត

ការយកចិត្តទុកដាក់នូវអ្វីដែលមិត្តនិយាយ គឺជាការឲ្យតំលៃដ៏ល្អរវាងមិត្តភាពរបស់អ្នកទាំងពីរ ជាពិសេសរឿងអាថ៌កំបាំង កុំនិយាយពីមាត់មួយទៅមាត់មួយ ឲ្យអ្នកដ៏ទៃស្តាប់ នោះគេមិនមែនហៅថាមិត្តល្អនោះទេ។

៦ . ធ្វើជាមិត្តស្មោះត្រង់

ភាពស្មោះត្រង់គឺជាចំណុចសំខាន់ក្នុងការទំនាក់ទំនងគ្នាជាមិត្ត បើអ្នកខ្វះចំណុចនេះហើយ នោះមិត្តភាពមិនបានយូរអង្វែងនោះទេ។

៧ . ជជែកវែកញែកដោយគ្មានបញ្ហា

ប្រសិនបើអ្នកជាមិត្តល្អ អ្នកនិយាយអំពីបញ្ហាចម្រូងចម្រាសដោយមិនធ្វើឱ្យខូចទំនាក់ទំនង ពោលគឺអ្នកការពារទស្សនៈរបស់អ្នកដោយការគោរព។

៨ .គាំទ្រការសម្រេចចិត្តរបស់មិត្ត

នេះមិនមានន័យថាអ្នកត្រូវតែយល់ព្រមលើអ្វីគ្រប់យ៉ាងដែលមិត្តម្នាក់ធ្វើនោះទេ ប៉ុន្តែអ្នកបញ្ជាក់យ៉ាងច្បាស់ថា ទោះបីជាអ្នកពិចារណាជម្រើសផ្សេងទៀតចំពោះបញ្ហាជាក់លាក់មួយក៏ដោយ ក៏អ្នកនៅក្នុងក្រុមរបស់ពួកគេ និងគាំទ្រពួកគេ។

ប្រភព៖ steptohealth