មិនឲ្យទុកយូរ Park Min Young ចេញមុខថាបានបែកគ្នាជាមួយមិត្តប្រុសហើយ
- 2022-10-04 08:45:00
- ចំនួនមតិ 0 | ចំនួនចែករំលែក 0
មិនឲ្យទុកយូរ Park Min Young ចេញមុខថាបានបែកគ្នាជាមួយមិត្តប្រុសហើយ
ត្រឹមតែរយៈពេលខ្លី តារាសម្ដែងស្រីជួរមុខកូរ៉េ Park Min Young បានចេញមុខបកស្រាយថា ខ្លួនបានបែកគ្នាជាមួយមិត្តប្រុសមហាសេដ្ឋីរួចហើយ។
កាលពីថ្ងៃទី ១ ខែតុលាកន្លែងទៅនេះ បណ្ដាញព័ត៌មាន News1 បានរាយការណ៍ថា តារាសម្ដែងស្រីលំដាប់ A កូរ៉េ Park Min Young បានចេញការប្រកាសជាផ្លូវការថា ខ្លួនបានបែកគ្នាជាមួយអ្នកជំនួញ Kang Jong Hyun រួចហើយ។ ក្រុមហ៊ុន Hook Entertainment ដែលជាអ្នកតំណាងរបស់នាង ក៏បញ្ជាក់ផងដែរថា នេះគឺជាការពិត ដែលអ្នកទាំងពីរលែងមានចំណងមនោសញ្ចតនានឹងគ្នាទៀតហើយ។
“Park Min Young បានបែកគ្នាជាមួយអតីតមិត្តប្រុសរបស់នាងរួចហើយ គ្មានរឿងនាងទទួលបានកាដូថ្លៃៗពីបុរសនេះទេ” HooK Entertainment បន្ថែម ក្រោយពេលលេចឮព័ត៌មានថា ស្រីស្អាតអាយុ ៣៦ឆ្នាំទទួលកាដូជារថយន្ត Lamboghini Urus ពីបុរសខាងលើ។
មុននោះដែរ បណ្ដាញព័ត៌មាន Dispatch បានចុះផ្សាយកម្រងរូបភាព អ្នកទាំងពីរណាត់គ្នាដើរលេងជាច្រើនកន្លែង។ អតីតមិត្តប្រុសរបស់តួរឿង What’s Wrong Secretary Kim ធ្លាប់ត្រូវតុលាការទីក្រុងសេអ៊ូលកាត់ទោសឲ្យជាប់ពន្ធគារ៣ឆ្នាំ ដោយនៅក្រៅឃុំ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
