ជាប់គុក២ឆ្នាំ ព្រោះស្លៀកពាក់ធ្វើខ្លួនដូចម្ចាស់ក្សត្រី
- 2022-09-19 02:40:00
- ចំនួនមតិ 0 | ចំនួនចែករំលែក 0
ជាប់គុក២ឆ្នាំ ព្រោះស្លៀកពាក់ធ្វើខ្លួនដូចម្ចាស់ក្សត្រី
នារីម្នាក់មកពីប្រទេសថៃ ត្រូវបានតុលាការកាត់ទោសឲ្យជាប់ពន្ធធនាគារ២ឆ្នាំ ក្រោយពេលស្លៀកពាក់ដូចម្ចាស់ក្សត្រី Suthida ដើម្បីទៅបាតុកម្ម។
កាលពីថ្ងៃទី ១៤ ខែកញ្ញាកន្លងទៅនេះ បណ្ដាញព័ត៌មាន CNN បានរាយការណ៍ថា នារីឈ្មោះ Jatuporn “New” Saeoueng អាយុ២៥ឆ្នាំ មកពីទីក្រុងបាងកក ប្រទេសថៃ ត្រូវបានតុលាការទីក្រុងបាងកកដាក់ទោសឲ្យជាប់ពន្ធធនាគារ២ឆ្នាំ ពីបទយករូបភាពរាជវង្សមករិះគន់។
តាមនោះដែរ កាលពីឆ្នាំ ២០២០ នារីខាងលើបានស្លៀកពាក់ឈុតប្រពៃណីថៃពណ៌ស្វាយមកចូលរួមក្នុងបាតុកម្មមួយ ដោយមានអ្នកបាំងឆ័ត្រពីក្រោយឲ្យផងដែរ។ រូបភាពនេះត្រូវបានតុលាការថា ដូចនឹងរូបភាពរបស់ម្ចាស់ក្សត្រី Suthida រាល់ពេលទ្រង់យាងធ្វើដំណើរទស្សនកិច្ចម្ដងៗ។
មេធាវីរបស់ New បានលើកឡើងថា នាងគ្រាន់តែស្លៀកពាក់បែបប្រពៃណី តែបែរជាត្រូវគេចោទថា រិះគន់រាជវង្សទៅវិញ។ បច្ចុប្បន្ន នារីអាយុ២៥ឆ្នាំ កំពុងទទួលទោសជាប់ពន្ធគារ២ឆ្នាំ នៅពន្ធធនាគារសម្រាប់មនុស្សស្រីមួយ។
New គឺជាមនុស្សម្នាក់ក្នុងចំណោមមនុស្ស២១០នាក់ជាប់ទោសពីបទ ធ្វើឲ្យប៉ះពាល់ដល់រាជវង្ស អ្នកល្មើសច្បាប់ការពាររាជវង្សអាចត្រូវជាប់ពន្ធគារដល់ ១៥ឆ្នាំ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
