បុរសអាយុ ២៥ឆ្នាំនៅឲ្យម្ដាយជូនទៅសារភាពស្នេហ៍ ត្រូវគេបដិសេធម្ដាយឌុបមកវិញ

2022-08-16 02:15:00
ចំនួនមតិ 0 | ចំនួនចែករំលែក 0

រឿងរ៉ាវបុរសពេញវ័យម្នាក់នៅពឹងម្ដាយឲ្យជូនទៅសារភាពមនោសញ្ចេតនាកំពុងជាប្រធានបទទទួលបានការចាប់អារម្មណ៍លើបណ្ដាញសង្គមវៀតណាម។

កាលពីថ្ងៃទី ១៤ ខែសីហាមុននេះ បណ្ដាញព័ត៌មាន Vnexpress បានឲ្យដឹងថា ប្រធានបទអំពីបរុសម្នាក់ឲ្យម្ដាយជូនទៅសារភាពនឹងមនុស្សស្រីដែលខ្លួនស្រលាញ់ កំពុងត្រូវបានគេវែកញែកយ៉ាងច្រើននៅលើបណ្ដាញសង្គម។

តាមនោះដែរ បុរសម្នាក់អាយុ ២៥ឆ្នាំ កម្ពស់ ១.៨០ម បានពឹងឲ្យម្ដាយជូនទៅសារភាពមនោសញ្ចេតនានឹងមនុស្សស្រីម្នាក់ដែលលោកស្រលាញ់ជាយូរមកហើយនោះ នៅខណ្ឌទី១ ទីក្រុងហូជីមិញ ប្រទេសវៀតណាម។

អ្នកមានវត្តមាននៅហេតុការណ៍នេះបានឲ្យដឹងថា ក្រោយពេលទម្លាក់កូនប្រុសដល់កន្លែង មួយសន្ទុះក្រោយមក អ្នកម្ដាយនេះបានត្រលប់មកវិញជាមួយផ្កាមួយបាច់លើដៃ ព្រោះកូនប្រុសភ្លេចយកផ្កាមកតាម។ ប្រភពដដែលបានឲ្យដឹងថា ក្រោយពេលនារីដែលត្រូវបានសារភាពនេះបដិសេធ បុរសខាងលើបានឈរមួយសន្ទុះធំ មិនដឹងធ្វើអ្វីទាំងអស់ ចាំដល់ម្ដាយជិះម៉ូតូមកយកទៅវិញ។

ខណៈមតិមួយចំនួនលើកឡើងថា បុរសរូបនេះនៅពឹងផ្អែកលើម្ដាយច្រើនពេកនោះ មនុស្សជាច្រើនបានយោគយល់ដល់លោកដោយបានបញ្ចេញមតិថា លោកពិតជាមានហេតុផលរបស់ខ្លួនទើបពឹងឲ្យម្ដាយជួយបែបនេះ ព្រោះមនុស្សម្នាក់ៗមានភាពក្លាហានខុសៗគ្នា៕