ប្រភេទមិត្តស្រីដែលធ្វើឲ្យតារានិករទាំងនេះ ស្អប់បំផុត
- 2022-07-29 09:55:00
- ចំនួនមតិ 0 | ចំនួនចែករំលែក 0
ប្រភេទមិត្តស្រីដែលធ្វើឲ្យតារានិករទាំងនេះ ស្អប់បំផុត
ប្រភេទមិត្តស្រីដែលធ្វើឲ្យតារានិករទាំងនេះ ស្អប់បំផុត
Aries
អ្វីដែលតារានិករនេះស្អប់បំផុត គឺនៅពេលមិត្តស្រីលុបហ្គេមរបស់គាត់ចោល។ Aries ចូលចិត្តលេងហ្គេមណាស់ ដូច្នេះប្រសិនបើមិត្តស្រីលុបវា អ្នកនឹងលែងទទួលបានការគោរពពីគាត់ទៀត។
Taurus
គាត់មិនចូលចិត្តនរណាមកចាត់ចែងខ្សែជីវិតជំនួសគាត់នោះទេ រឹតតែស្អប់នរណាប៉ះកាបូបលុយ ឬឆែកទូរសព្ទរបស់គាត់ទៀត។
Gemini
គាត់ធុញបំផុតនរណាចូលចិត្តជ្រៀតជ្រែកខ្លាំងពីជីវិតឯកជនរបស់គាត់ ព្រោះគាត់ជាមនុស្សឲ្យតម្លៃខ្ពស់លើជីវិតឯកជនរបស់គាត់។
Cancer
គាត់ស្អប់បំផុតគឺការប្រៀបធៀប។ នៅពេលមិត្តស្រីទាមទារចង់ឲ្យគាត់ល្អឥតខ្ចោះដូចតួឯកក្នុងរឿងភាគកូរ៉េ ឬប្រលោមលោកណាមួយ ទាំងដែលតាមពិតគាត់ត្រឹមជាបុរសសាមញ្ញម្នាក់ ដែលនេះជារឿងដែលគាត់ខ្លាចបំផុត។
Leo
គាត់មិនចូលចិត្តឲ្យមិត្តស្រីបញ្ជាគាត់ឲ្យឈប់ធ្វើអ្វីមួយដែលជាចំណង់ចំណូលចិត្តរបស់គាត់នោះទេ ព្រោះជាផ្នែកមួយនៃរសជាតិជីវិតរបស់គាត់ ។ ហេតុនេះ ប្រសិនបើមិត្តស្រីគ្រាន់តែចង់ផ្តល់ដំបូន្មានដល់គាត់ អ្នកគួរផ្តោតលើកត្តាសុខភាពវិញល្អជាង។
Virgo
គាត់ខ្លាចបំផុតនៅពេលមិត្តស្រីចង់ឲ្យគាត់ព្រមទទួលស្គាល់កំហុសរបស់ខ្លួន។ លើសពីនេះ គាត់ស្អប់ការធ្វើតេស្ត៍សាកល្បងលើរឿងស្នេហា រឹតតែមិនចូលចិត្តនៅពេលមិត្តស្រីតេស្ត៍ចិត្តរឿងឲ្យទៅទិញ Milk tea ទាំងយប់មកឲ្យ ឬ Call ឲ្យមកជួបភ្លាមៗ… ។
Libra
គេស្អប់មិត្តស្រីដែលចូលចិត្តត្រួតត្រាលើទំនាក់ទំនង ពិសេសចោទថាគេនៅលួចទាក់ទង Ex ទៀត។ រឿងនេះសម្រាប់គេ ជារឿងឈឺក្បាលបំផុត ព្រោះមិនសមហេតុផល ហើយមានតែធ្វើឲ្យគេលែងគោរពនិងឲ្យតម្លៃលើមិត្តស្រីទៀតប៉ុណ្ណោះ។
Scorpio
បុរសScorpio នឹងមិនទ្រាំជាមួយមិត្តស្រីណាដែលតែងបង្ខំគេឲ្យឈប់រាប់អានជាមួយអ្នកនេះ អ្នកនោះ ពីរង្វង់មិត្តភក្កិរបស់គេនោះទេ។ មិត្តភក្កិជាមនុស្សសំខាន់មួយសម្រាប់គេ ដូច្នេះបើប្រាប់ឲ្យគេឈប់សេពគប់ ហាក់ដូចជាមិនសមហេតុផល។
Sagittarius
គេធុញបំផុតពេលមិត្តស្រីចេះតែចង់ឲ្យគេនិយាយដដែរៗថា " I love You” ឬ " I miss You” ។ ចំពោះគេ ស្រលាញ់ឬអត់ គឺគេនឹងបង្ហាញតាមរយៈសកម្មភាព ជំនួសឲ្យពាក្យសម្តី ដូច្នេះត្រឹមពាក្យផ្អែមប៉ុណ្ណឹង សម្រាប់គេគ្មានសារៈសំខាន់ឡើយ។
Capricorn
គេស្អប់ការរំខាននៅពេលគេកំពុងផ្តោតខ្លាំងលើការងារដែលគេពេញចិត្តធ្វើ ឬកិច្ចការងារណាដែលកំពុងជាប់គាំងត្រូវការដោះស្រាយបន្ទាន់។ ដូច្នេះគេមិនចូលចិត្តមិត្តស្រីរករឿងខុសរបៀប មឹនដឹងសាច់រឿងច្បាស់លើពេលវេលាផ្ទាល់ខ្លួនរបស់គេឡើយ។
Aquarius
គេរអាបំផុតចំពោះមិត្តស្រីដែលខ្វល៉ខ្លាំងពេកពីជីវិតឯកជនរបស់គេ ឬចំណង់ចំណូលចិត្តរបស់គេ។ គេសុខចិត្តលាក់វា បើមិត្តស្រីបង្ហាញតម្រុយថាចង់ដឹងពេក ព្រោះគេចង់មានពេលវេលាពិសេសផ្ទាល់ខ្លួនមួយ។
Pisces
គេខ្លាចខ្លាំងយកមែនទែនលើមិត្តស្រីដែលពេលឈ្លោះគ្នា ប្រើសង្រ្គាមត្រជាក់ អ្វីក៏មិននិយាយ។ ចង់ឲ្យគេលួង ទាំងដែលមិនដឹងពីហេតុផលច្បាស់ ដែលនាំឲ្យគេឈឺក្បាល និងអស់កម្លាំងលើទង្វើបែបនេះ។ ក្រៅពីនេះ គេស្អប់នារីណាដែលឃាត់ឃាំងគេមិនឲ្យហូបអ្វីដែលគេចូលចិត្តថែមទៀត។ គេគ្រាន់តែចង់បានមិត្តស្រីដែលឆាប់យល់ពីគេ និងងាយចុះសម្រុងជាមួយគ្នាប៉ុណ្ណោះ។