Dilireba ជាប់ជាតារាស្រីចិនមានរាងស្អាតដាច់គេ
- 2022-06-22 03:15:00
- ចំនួនមតិ 0 | ចំនួនចែករំលែក 0
Dilireba ជាប់ជាតារាស្រីចិនមានរាងស្អាតដាច់គេ
ទោះបីជាវិថីសិល្បៈចិន មានសិល្បការិនីដែលមានរាងស្អាតរាប់មិនអស់ក៏ដោយ តែកំពូលតារាសម្ដែងស្រី Dilireba នៅតែឈរមុខគេជាមួយរាងដ៏ស្អាតឥតទាស់របស់ខ្លួន។
អាចនិយាយបានថា នៅក្នុងចំណោមតារាស្រីរួមជំនាន់ទាំងអស់ តារាសម្ដែងស្រីចិន Dilireba កំពុងស្ថិតនៅតំណែងមួយដែលអ្នកណាក៏ចង់បាន។ រាល់វណ្ណកម្មរបស់ស្រីស្អាតអាយុ ៣០ឆ្នាំ សុទ្ធតែទទួលបានប្រជាប្រិយភាពខ្ពស់ ហើយនាងក៏ជាតំណាងឲ្យប្រេនជាតិ និងអន្តរជាតិរាប់មិនអស់ដូចគ្នា។
ក្រៅពីប្រជាប្រិយភាព រូបសម្រស់របស់តារាកើតឆ្នាំ ១៩៩២ ក៏កំពុងស្ថិតនៅលើកំពូលដូចគ្នា ដោយមុននេះបន្តិច បណ្ដាញព័ត៌មាន Sohu បានជ្រើសយកនាងជាតារាស្រីចិនដែលមានរាងស្អាតជាងគេផងដែរ។
ប្រភពខាងលើបានឲ្យដឹងថា តួរឿង Eternal Love មានកម្ពស់ខ្ពស់ល្មម ជាមួយគ្រោងឆ្អឹងតូច និងជើងវែងស្រឡូន ដែលធ្វើឲ្យរាងនាងលេចធ្លោជាងអ្នកដែលមានកម្ពស់ប្រហែលគ្នា។ Sohu បានបន្ថែមថា រាល់ពេលមានវត្តមាននៅទីណា Dilireba តែងទទួលចំណាប់អារម្មណ៍ខ្ពស់ជាងគេជាមួយរាងរបស់ខ្លួនផងដែរ៕