ប្រពន្ធល្អ នឹងមិននិយាយពាក្យទាំងនេះដាច់ខាតទៅស្វាមី

2022-06-20 10:10:00
ចំនួនមតិ 0 | ចំនួនចែករំលែក 0

នៅពេលព្រមព្រៀងរស់នៅជាមួយគ្នាហើយ ការនិយាយដោយផ្តល់តម្លៃគឺជារឿងដែលគួរតែត្រូវមានដាច់ខាត។ មុននិយាយ គួរតែយល់ពីអារម្មណ៍អ្នកស្តាប់ ទើបអាចរក្សាទំនាក់ទំនងប្តីប្រពន្ធបានយូរអ្វែង។ ថ្ងៃនេះ កញ្ញា សូមលើកយក៤ចំណុចដែលគួរចៀសវាង ប្រពន្ធល្អ មិនគួរធ្វើដាច់ខាត។

១. អតីតសង្សារ

ការជជីកឬសគល់នូវរឿងដដែលៗ គឺមិនមែនជារឿងល្អទេ ព្រោះវាមិនបានជួយឲ្យចំណងអាពាហ៍ពិពាហ៍ដើរទៅមុខឡើយ។ ផ្ទុយទៅវិញ មានតែបំផ្លាញផ្លូវចិត្តរបស់ម្នាក់ៗ ដូច្នេះហើយរឿងកន្លងផុត ឲ្យវាកន្លងផុតទៅ ព្រោះវាគ្មានប្រយោជន៍អ្វីសម្រាប់ភាគីទាំងពីរត្រូវលើកយកមកនិយាយទៀតទេ។

២. និយាយដើមសាច់ញាតិខ្លួនឯង

ការស្រលាញ់ និងគោរពចំពោះសាច់ញាតិរបស់គ្នាទៅវិញទៅមក ជារឿងត្រូវតែធ្វើដាច់ខាត មិនអាចស្រលាញ់តែសាច់ខាងគេ ស្អប់សាច់ញាតិខ្លួនឯងទេ។ ដូច្នេះហើយ ដាច់ខាតហាមនិយាយមិនល្អពីសាច់ញាតិឲ្យប្តីស្តាប់។

៣. រិះគន់មិត្តភក្កិរបស់ប្តី

ការរិះគន់មិត្តភក្កិរបស់ប្តី អាចចាត់ទុកថា អ្នកជាមនុស្សចិត្តចង្អៀត។ យ៉ាងណាក្តី អ្នកត្រូវប្រយ័ត្ន ការរិះគន់គួរតែមើលកាលៈទេសៈ ព្រោះបើមិនអ៊ីចឹងទេ អ្នកនឹងក្លាយជាមនុស្សមិនគួរឲ្យស្រលាញ់ក្នុងកែវភ្នែករបស់ស្វាមីទៀត ក៏ថាបាន។

៤. លេងសើចនឹងភាពទន់ខ្សោយរបស់ស្វាមី

វាគ្មានមើលទៅ Cute អ្វីសោះឡើយ នៅពេលអ្នកយកចំណុចខ្សោយរបស់ស្វាមីមកនិយាយលេងសើច ច្រើនដង ហើយចាត់ទុកថាគ្រាន់ជារឿងកំប្លែង។ គាត់នឹងទ្រាំលែងបាន ហើយផ្ទុះកំហឹងដោយសារតែការលេងមិនចេះគិតរបស់អ្នក៕

ប្រភព៖ gangbeauty ប្រែសម្រួល៖ លឹម សុនា