ស្ទើរមិនជឿថា តួប្រុសមុខដូចពុក Lee Jun Ki នេះមានអាយុប្អូនលោក២ឆ្នាំ

2022-06-20 03:35:00
ចំនួនមតិ 0 | ចំនួនចែករំលែក 0

ទោះបីជាមានអាយុចាស់ជាងមិត្តរួមសម្ដែងក៏ពិតមែន តែកំពូលតារាសម្ដែងប្រុសកូរ៉េ Lee Jun Ki បានធ្វើឲ្យទស្សនិកជនច្រឡំថា ដើរតួកូនរបស់មិត្តរួមសម្ដែង។

កាលពីថ្ងៃទី ១៦ ខែមិថុនាកន្លងទៅនេះ បណ្ដាញព័ត៌មាន Naver បានរាយការណ៍ថា ខ្សែភាពយន្តភាគកូរ៉េ Again My Life កំពុងទាក់ទាញចំណាប់អារម្មណ៍ទស្សនិកជនជាខ្លាំង ដោយសារសាច់រឿងដ៏ជក់ចិត្តរបស់ខ្លួន។ យ៉ាងណាក្ដី មានចំណុចមួយដែលនៅពេលដឹងហើយ អ្នកគាំទ្របានភ្ញាក់ផ្អើលជាខ្លាំង។ តាមនោះដែរ កំពូលតារាសម្ដែងប្រុស Lee Jun Ki ដែលជាតួឯកនោះ ត្រូវបានគេស្មានថា មានអាយុខុសគ្នាឆ្ងាយខ្លាំងណាស់ ពីតារាសម្ដែងប្រុស Hyun Bong Sik ប្រសិនជាមើលតែរូបរាងខាងក្រៅ។ ប៉ុន្តែ សិល្បករទាំងពីរមានអាយុខុសគ្នាត្រឹមតែ ២ឆ្នាំប៉ុណ្ណោះ។ អ្វីដែលនឹកស្មានមិនដល់ទៀតនោះគឺ អ្នកដែលមានអាយុបងគឺ Lee Jun Ki ដោយលោកកើតឆ្នាំ ១៩៨២ រីឯ មិត្តរួមសម្ដែងកើតឆ្នាំ ១៩៨៤។

អ្នកគាំទ្របានបង្ហាញភាពភ្ញាក់ផ្អើលជាខ្លាំង នៅពេលប្រុសស្អាតអាយុ ៤០ឆ្នាំ មានមុខក្មេងជាងមិត្តរួមសម្ដែងខ្លាំងពេក ហើយគេមិននឹកស្មានថាតារាសម្ដែងប្រុស Hyun Bong Sik មានអាយុទើបតែ៣៨ឆ្នាំដូចគ្នា៕