មនុស្សម្នាក់ៗធ្វើការបង្ហាញសេចក្ដីស្រឡាញ់ទៅកាន់ដៃគូសង្សាររបស់ពួកគេតាមបែបខុសៗគ្នា ដូច្នេះវាពិបាកនឹងដឹងច្បាស់ណាស់ថាដៃគូសង្សាររបស់អ្នកកំពុងតែមានអារម្មណ៍ដូចជាអ្នកដែលឬអត់នោះ។ ជាទូទៅទំនាក់ទំនងស្នេហាថ្មីអាចធ្វើឲ្យអ្នកមានអារម្មណ៍ថាត្រេកត្រអាលរីករាយគ្រប់ពេលដែលអ្នកទាំងពីរបាននៅជាមួយគ្នា ហើយមួយរយៈក្រោយមកទៀតអ្នកប្រហែលជាអាចចាប់ផ្តើមមានអារម្មណ៍ថាអ្នកកំពុងលង់ស្នេហ៍នឹងគេ ឬក៏គេនោះកំពុងតែលង់ស្នេហ៍ជាមួយអ្នក។

មនុស្សខ្លះបង្ហាញសេចក្ដីស្រឡាញ់តាមរយៈសកម្មភាព ហើយអ្នកខ្លះទៀតធ្វើវាដោយការប្រើពាក្យសម្ដី និងដៃគូមួយចំនួនទៀតនោះមិនងាយនឹងបើកចំហអំពីអារម្មណ៍របស់ពួកគេទៅកាន់ដៃគូសង្សារឡើយ ប៉ុន្តែអ្នកអាចដឹងបានតាមរយៈសកម្មភាពមួយចំនួនរបស់ពួកគាត់ដែលបានធ្វើមកកាន់អ្នក។

អ្នកអាចធ្វើការកត់ចំណាំទៅលើសញ្ញាទាំង ៧ ខាងក្រោមនេះដើម្បីឲ្យបានដឹងច្បាស់ថាសង្សាររបស់អ្នកពិតជាកំពុងធ្លាក់ក្នុងអន្លង់ស្នេហ៍ជាមួយអ្នកមែនឬអត់៖

• គាត់គឺជាមនុស្សតែម្នាក់កត់ដែលយកចិត្តទុកដាក់មើលថែរក្សាអ្នកគ្រប់ពេលវេលា
• គាត់នឹងសម្របខ្លួនចំពោះរឿងគ្រប់យ៉ាងដែលអ្នកចូលចិត្តធ្វើ និងចំណាយពេលនៅជាមួយអ្នកឲ្យបានញឹកញាប់
• គាត់តែងតែផ្ដល់ភាពស្មោះត្រង់ និងប្រាប់រឿងគ្រប់យ៉ាងទៅកាន់អ្នកជានិច្ច
• គាត់តែងតែធ្វើនឹងរៀបចំគម្រោងសប្បាយៗសម្រាប់អ្នក និងជាមួយគាត់ជាប្រចាំ
• គាត់ធ្វើឲ្យអ្នកមានអារម្មណ៍ថាមានសុវត្ថិភាពពេលដែលបាននៅជាមួយគាត់
• គាត់ចង់ឲ្យមិត្តភក្ដិ សាច់ញាតិនឹងក្រុមគ្រួសាររបស់គាត់ចូលចិត្តអ្នកដូចជាគាត់ដែរ
• ហើយគាត់បានចាត់ទុកអ្នកជាផ្នែកមួយនៃឆាកជីវិតរបស់គាត់រួចទៅហើយ

មិនថាដៃគូរបស់អ្នកបង្ហាញសេចក្ដីស្រឡាញ់តាមរបៀបណាក៏ដោយ វាអាចមានការពិបាកក្នុងការដឹងច្បាស់ថាគាត់កំពុងលង់ស្រឡាញ់អ្នកពិតប្រាកដមែនឬអត់។ ប្រសិនបើអ្នកមិនទាន់កត់សំគាល់ទៅលើសញ្ញាណាមួយនៅឡើយទេ កុំធ្លាក់ទឹកចិត្ត ពីព្រោះស្នេហាកើតឡើងតាមកាលវិភាគផ្សេងៗគ្នាសម្រាប់មនុស្សគ្រប់ៗគ្នា៕

ចុចអានបន្ត៖ រូបមន្តស្នេហ៍ទាំង ៦ យ៉ាងនេះពិតជាអាចជួយធ្វើឲ្យអ្នកទទួលបានសុភមង្គល