រៀបចំខ្លួនឲ្យបានល្អដោយវិធីទាំង៦យ៉ាងនេះ មិនខ្វះការឲ្យតម្លៃពីបុរសដែលខ្លួនស្រលាញ់
- 2022-01-23 05:33:00
- ចំនួនមតិ 0 | ចំនួនចែករំលែក 0
រៀបចំខ្លួនឲ្យបានល្អដោយវិធីទាំង៦យ៉ាងនេះ មិនខ្វះការឲ្យតម្លៃពីបុរសដែលខ្លួនស្រលាញ់
ដើម្បីក្លាយជាមនុស្សស្រីមានភាពទាក់ទាញ និងត្រូវបានគេផ្តល់តម្លៃ អ្នកគប្បីប្រកាន់ខ្ជាប់នូវគំនិត៦យ៉ាងខាងក្រោម។
១. សើចឲ្យបានច្រើនពេលនៅជាមួយគាត់
ទោះគ្រប់គ្នាសុទ្ធតែមានស្នាមញញឹម តែស្នាមញញឹមរបស់អ្នកអាចខុសពីអ្នកដទៃ។ មនុស្សស្រីដែលមានភាពរីករាយក្នុងខ្លួន នឹងឆក់យកភាពទាក់ទាញពីបុរសបាន ព្រោះមនុស្សគ្រប់គ្នាស្រលាញ់ថាមពលវិជ្ជមាន។
២. ធ្វើជាអ្នកស្តាប់ដ៏ល្អ
នៅពេលជួបនរណាម្នាក់លើកដំបូង អ្នកអាចចំណាយពេលច្រើនដើម្បីនិយាយពីខ្លួនឯង អំពីចំណង់ចំណូលចិត្ត … ដើម្បីទទួលបានចំណាប់អារម្មណ៍។ តែថ្ងៃបន្ទាប់ អ្នកគួរធ្វើជាអ្នកស្តាប់ដោយយកចិត្តទុកដាក់វិញ ទើបធ្វើឲ្យដៃគូម្ខាងទៀតមិនសូវធុញទ្រាន់ និងផ្តល់តម្លៃឲ្យអ្នក។
៣. តែងខ្លួនសមរម្យ
មិនមែនគ្រប់មនុស្សប្រុសទាំងអស់ សុទ្ធតែចូលចិត្តមនុស្សស្រីដែលតែងខ្លួនសម្ញែងហួសហេតុទេ។ ត្រឹមមានក្លិនខ្លួនក្រអូប ស្លៀកពាក់សមរម្យ សក់ក្បាលមិនរញ៉េរញ៉ៃ គឺគ្រប់គ្រាន់ហើយ។ រាងកាយដែលស្អាត គឺកើតចេញពីការចេះតុបតែងខ្លួនឲ្យត្រូវកាលៈទេសៈ។
៤. មានភាពឯករាជ្យ
មានមនុស្សស្រីជាច្រើនបានរស់នៅក្នុងបន្ទុករបស់ស្វាមី ដែលនេះគឺជាកំហុសធំមួយ។ យ៉ាងណាក៏ដោយ អ្នកត្រូវមានឯករាជ្យភាពលើខ្លួនឯង ទាំងការគិត ការចង់បាន និងទំនួលខុសត្រូវ។ អ្នកនឹងគ្មានអារម្មណ៍ថាមានសម្ពាធ និងមិនហត់នឿយក្នុងជីវិត។
៥. ចេះធ្វើម្ហូប
បេះដូងមនុស្សប្រុសច្បាស់ជាត្រូវជាប់អន្ទាក់ ដោយសារតែថ្វីដៃពូកែធ្វើម្ហូបរបស់មនុស្សស្រី។ ក្រោយពីធុញថប់នឹងការងារ រូបភាពពេលចូលមកដល់ផ្ទះឃើញមានអាហារឈ្ងុយឆ្ងាញ់នៅលើតុដែលរៀបចំដោយមនុស្សជាទីស្រលាញ់ គឺជាសុភមង្គលដ៏កក់ក្តៅនិងស្រស់ស្អាតបំផុតរបស់បុរស។
៦. មិនខ្វល់ច្រើនពីគំនិតរបស់អ្នកដទៃ
អ្នកមិនចាំបាច់ត្រូវលះបង់គ្រប់យ៉ាង ដើម្បីផ្គាប់ចិត្តអ្នកដទៃទាំងអស់នោះទេ។ ត្រូវធ្វើជាខ្លួនឯង គឺគ្រប់គ្រាន់ហើយ ព្រោះមនុស្សម្នាក់ៗមានបែបផែនជីវិតផ្សេងៗគ្នា។ ឧទាហរណ៍ អ្នកខ្លះមានអារម្មណ៍ទើសទាល់នូវអ្វីដែលអ្នកផុសលើបណ្តាញសង្គម ដែលគិតថាអ្នកសម្តែង ឬចង់បាន Attention ។ បើការយល់របស់គេ មិនត្រឹមត្រូវសម្រាប់អ្នកទេ អ្នកក៏មិនគួរប្រឹងផ្លាស់ប្តូរខ្លួនឯងដើម្បីនរណាដែរ៕