តារាបណ្ដាញសង្គមប្រុសល្បីឈ្មោះ ធ្វើឲ្យហ្វេនជិត២លាននាក់សន្លប់ឈរក្រោយដោះម៉ាស
- 2021-12-02 03:00:00
- ចំនួនមតិ 0 | ចំនួនចែករំលែក 0
តារាបណ្ដាញសង្គមប្រុសល្បីឈ្មោះ ធ្វើឲ្យហ្វេនជិត២លាននាក់សន្លប់ឈរក្រោយដោះម៉ាស
ក្រោយពេលដោះម៉ាសចេញ អ្នកគាំទ្ររបស់តារាបណ្ដាញសង្គមម្នាក់មកពីវៀតណាម ស្ទើរតែមិនជឿថា Idol របស់ខ្លួនមានទម្រង់មុខបែបនេះ។
មុននេះបន្តិច បណ្ដាញព័ត៌មាន Zing បានរាយការណ៍ថា តារាបណ្ដាញសង្គម Tik Tok ម្នាក់បានធ្វើឲ្យកក្រើកចំពោះក្រុមអ្នកគាំទ្ររបស់ខ្លួន ក្រោយពេលលោកដោះម៉ាសចេញ។ ប្រភពដដែលបានឲ្យដឹងថា តាំងពីពេលល្បីឈ្មោះ ប្រុសស្អាតអាយុ ២១ឆ្នាំ ឈ្មោះ Phun Anh មិនដែលដោះម៉ាសចេញឡើយ ដោយរូបសម្បត្តិរបស់លោកពេលពាក់ម៉ាស និងវ៉ែនតាគឺស្រស់សង្ហា ដល់ថ្នាក់ លោកទាក់ទាញបានចំនួនអ្នកគាំទ្រដល់ទៅ ១.៨លាននាក់។
យ៉ាងណាក្ដី ហាក់បីដូចមិនចង់លាក់នឹងអ្នកគាំទ្ររបស់ខ្លួនទៀត តារាបណ្ដាញសង្គមកើតឆ្នាំ ២០០០បានសម្រេចចិត្តថតវីដេអូពេលខ្លួនមិនពាក់ម៉ាសម្ដង។ រូបភាពមិនពាក់ម៉ាសរបស់ Phun បានល្បីជាខ្លាំង ដោយមនុស្សជាច្រើនមិននឹកស្មានថា ពេលលោកដោះម៉ាសមានមុខបែបនេះ គឺខុសនឹងពេលពាក់ម៉ាសស្រឡះ។ យ៉ាណាក៏ដោយ អ្នកគាំទ្ររបស់តារាប្រុសរូបនេះ បានឲ្យដឹងថា ទោះបីជាមិនសង្ហាដូចពេលពាក់ម៉ាស និងវ៉ែនតាក្ដី តែលោកនៅតែមានមុខគួរឲ្យស្រលាញ់ មិនសមត្រូវគេរិះគន់ថាបោកប្រាស់នោះឡើយ៕