ប្រើសេវាកម្មផ្លូវភេទ តារាប្រុសចិនត្រូវសងថ្លៃកុងត្រាចំនួន ៣១លានដុល្លារ
- 2021-10-28 02:46:00
- ចំនួនមតិ 0 | ចំនួនចែករំលែក 0
ប្រើសេវាកម្មផ្លូវភេទ តារាប្រុសចិនត្រូវសងថ្លៃកុងត្រាចំនួន ៣១លានដុល្លារ
ក្រោយបែកធ្លាយពីសកម្មភាពប្រើប្រាស់សេវាកម្មផ្លូវភេទ កំពូលតារាប្រុសលេងព្យាណូចិន Li Yundi ត្រូវប្រេនទាំងអស់លុបឈ្មោះចោល ត្រូវសងកុងត្រារាប់សិបលានដុល្លារ។
កាលពីថ្ងៃទី ២៥ ខែតុលាកន្លងទៅនេះ បណ្ដាញព័ត៌មាន QQ បានរាយការណ៍ថា រឿងអាស្រូវពាក់ព័ន្ធនឹងអំពើពេស្សាកម្មរបស់កំពូលអ្នកលេងព្យាណូចិន Li Yundi បានធ្វើឲ្យកេរ្តិ៍ឈ្មោះរបស់លោករលាយស្ទើរតែទាំងស្រុង។ តាមនោះដែរ ក្រោយពេលគេចាប់បាន លោកបានប្រើសេវាផ្លូវភេទដើម្បីរកនារីជាច្រើននាក់នោះ លោកនឹងត្រូវសងជំងឺចិត្តខូចកិច្ចសន្យាទាំងអស់ដែលខ្លួនតំណាង ដែលសរុបជាទឹកប្រាក់គឺ៣១លានដុល្លារ។
ជាក់ស្ដែង កាលពីថ្ងៃ២២ ខែតុលា ក្រុមអ្នកប្រមាញ់រូបបានរកឃើញលោកទាក់ទងនឹងនារីរកស៊ីផ្លូវភេទ។ ក្រោយមកប្រេនចំនួន ១៤ ដែលមានពាក់ព័ន្ធនឹងលោកបានប្រកាសផ្ដាច់កិច្ចសន្យាមុនកំណត់។ បន្ថែមពីនេះ ការប្រគុំតន្ត្រីរបស់លោកទាំងអស់ក៏ត្រូវបានលុបចោលដូចគ្នា។ មិនបញ្ឈប់ត្រឹមនេះ គ្រប់វីដេអូរបស់សិល្បករអាយុ៣៩ឆ្នាំត្រូវបានលុបចេញពីអ៊ីនធឺណិត។
មុនពេលរឿងអាស្រូវកើតឡើង លោកធ្លាប់មានឈ្មោះក្នុងរដ្ឋាភិបាលផងដែរ ដោយសារសមិទ្ធិផលរបស់ខ្លួន តែពេលនេះឋារន្តស័ក្ដិទាំងនេះត្រូវបានដកចេញទាំងអស់។ បណ្ដាញព័ត៌មាន Sina បានឲ្យដឹងថា អាជីពរបស់លោកគឺមិនអាចងើបឡើងវិញបានឡើយ៕