David Archuleta ធ្លាប់គិតថាខ្លួនជាភេទទី៣ តែពេលនេះមិនច្បាស់ពីភេទខ្លួនឯងទេ
- 2021-06-16 08:35:00
- ចំនួនមតិ 0 | ចំនួនចែករំលែក 0
David Archuleta ធ្លាប់គិតថាខ្លួនជាភេទទី៣ តែពេលនេះមិនច្បាស់ពីភេទខ្លួនឯងទេ
តារាចម្រៀងប្រុសល្បីឈ្មោះអាមេរិក David Archuleta ធ្លាប់គិតថាខ្លួនគឺជា gay (ស្រលាញ់ប្រុសដូចគ្នា) កាលពីឆ្នាំ ២០១៤ តែពេលនេះលោកលែងច្បាស់ទៀតហើយ។
មុននេះបន្តិច នៅលើបណ្ដាញ Instagram តារាចម្រៀងប្រុសអាមេរិក David Archuleta បានទទួលស្គាល់ជាសាធារណៈថា លោកក៏ជាសមាជិកក្នុងសមាគម LGBTQIA+ ដែរ។ ប្រុសស្អាតវ័យ ៣១ឆ្នាំ បានឲ្យដឹងថា កាលពីឆ្នាំ២០១៤ លោកធ្លាប់ប្រាប់គ្រួសារហើយថា ខ្លួនគឺជា gay (បុរសស្រលាញ់បុរសដូចគ្នា)។
យ៉ាងណាក្ដី ប៉ុន្មានឆ្នាំចុងក្រោយនេះ ម្ចាស់បទ Crush បែរជាមិនច្បាស់អំពីភេទរបស់ខ្លួនទៅវិញ។ ម្ចាស់ពានលេខ២ American Idol 2008 បង្ហើបថា លោកមានអារម្មណ៍ស្រលាញ់ដូចគ្នា ទាំងប្រុស និងស្រី គឺ bisexual ឬ asexual (មិនស្រលាញ់ភេទណាទាំងអស់)។
តារាកើតឆ្នាំ ១៩៩០ ប្រាប់ថា ខ្លួនមិនមានចំណង់ផ្លូវភេទច្រើន ដូចអ្នកដទៃ ហើយលោកចង់ទុករឿងនេះ សម្រាប់ជីវិតអាពាហ៍ពិពាហ៍នៅពេលក្រោយ។ David បានប្រាប់ បណ្ដាញព័ត៌មាន Billboard ថាលោកចង់ឲ្យទស្សនិកជនយោគយល់ពី អ្នកដែលស្ថិតក្នុងសមាគមន៍ LGBTQIA+។
ការប្រកាសទទួលស្គាល់ខ្លួនឯងរបស់ David Archuleta ទទួលបានការគាំទ្រខ្លាំងពីសំណាក់ទស្សនិកជន ដោយមានអ្នក like ជាង១៥ម៉ឺននាក់ និង Comment រាប់ម៉ឺននាក់ដែលបានគាំទ្រដល់លោក៕