ច្រមុះ Yang Mi ស្អាតខ្លាំង រហូតនារីនៅចិនកុម្មង់វះកាត់ឲ្យដូចដែរ

2021-06-15 04:55:00
ចំនួនមតិ 0 | ចំនួនចែករំលែក 0

អាចនិយាយបានថា សម្រស់របស់តារាសម្ដែងស្រីល្បីឈ្មោះចិន Yang Mi គឺជាគំរូឲ្យមនុស្សស្រីជាច្រើនយកតម្រាប់តាម ដែលធ្វើឲ្យពេលនេះ មុខពួកគេស្រដៀងៗគ្នាទាំងអស់។

កាលពីថ្ងៃទី ១៤ ខែមិថុនាកន្លងទៅនេះ បណ្ដាញព័ត៌មាន QQ បានរាយការណ៍ថា វិស័យកែសម្រស់កំពុងតែមានពាណិជ្ជកម្មថ្មីនោះ គឺកែច្រមុះម៉ូដដូចកំពូលតារាសម្ដែងស្រី Yang Mi។ តាមការផ្សព្វផ្សាយនេះ គ្លីនិកជាច្រើនបានសន្យាថា ក្រោយពេលកែរួច ពួកគេនឹងមានសម្រស់ស្អាតមិនចាញ់តួរឿង Legend of Fuyao ឡើយ។

ដោយសារតែឃើញការផ្សព្វផ្សាយទាក់ទាញខ្លាំងពេក មិត្តៗនារីជាច្រើន សុខចិត្តខ្ចីលុយ ចងការប្រាក់គេ ដើម្បីមកកែច្រមុះ។ ជាក់ស្ដែង ស្រីស្អាតតារាបណ្ដាញសង្គមម្នាក់ឈ្មោះ Xiao Mi Mi ទោះស្អាតហើយក្ដី ក៏នៅតែមកឲ្យគេកែច្រមុះឲ្យដូច សិល្បករកូន១ខាងលើដែរ។ នៅពេលនេះ Xiao Mi Mi ត្រូវគេវាយតម្លៃថា មានសម្រស់ដូច Yang Mi ដល់ទៅ៩០%។

ក្រៅពីតារាបណ្ដាញសង្គមខាងលើ គេបានប្រទះឃើញថា អ្នកកែច្រមុះហើយពេលនេះ គឺសឹងតែដូចគ្នាងទាំងអស់ ព្រោះពួកគេកម្ម៉ង់ចង់បានម៉ូដច្រមុះដូច តារាអាយុ ៣៤ឆ្នាំខាងលើ។ សាមីខ្លួន អ្នកទទួលសេវាកម្មនេះបានលើកឡើងថា ពួកគេមានអារម្មណ៍ថាខ្លួនដូច Yang Mi ពី៨០ ទៅ៩០%៕