បន្លែ ឬផ្លែឈើទាំងនេះ បើអ្នកទទួលទានមិនចំពេលវេលា នឹងធ្វើឲ្យប៉ះពាល់សុខភាពយ៉ាងខ្លាំង។
៣ ផ្លែឈើដែលមិនគួរញ៉ាំនៅពេលព្រឹក
- ម្នាស់៖ ផ្លែឈើនេះសម្បូរដោយអង់ស៊ីម ដូច្នេះនៅពេលញ៉ាំពោះទទេ ងាយនឹងធ្វើឲ្យឈឺក្រពះ។ អ្នកគួរតែហូបវាក្រោយញ៉ាំអាហាររួច ទើបរាងកាយអាចស្រូបបានជីវជាតិពីផ្លែម្នាស់បានយ៉ាងល្អ។
- ផ្លែត្រសក់៖ ដោយសារតែត្រសក់សម្បូរប៉ូតាស្យូម ហេតុនេះបើអ្នកញ៉ាំនៅពេលព្រឹក ងាយនឹងធ្វើឲ្យផ្តាសាយ។ លើសពីនេះក៏ធ្វើឲ្យរាគ និងខះជាតិទឹក។
- ផ្លែសារី៖ ផ្លែនេះសម្បូរដោយជាតិកាកសរសៃខ្ពស់ ហើយ Raw Fibers ក្នុងផ្លែនេះអាចបំផ្លាញស្រទាប់ក្រពះបាន បើអ្នកហូបវានៅពេលព្រឹកពោះទទេរ។ ដូច្នេះ អ្នកគួរហូបផ្លែឈើនេះក្រោយអាហារពេលព្រឹករួច ប្រមាណ៣០នាទី ទើបផ្តល់ផលល្អ។
៣ ផ្លែឈើដែលមិនគួរញ៉ាំនៅពេលយប់
- ផ្លែប៉ោម៖ បើអ្នកញ៉ាំផ្លែឈើនេះនៅពេលយប់ វាងាយនឹងប៉ះពាល់ដល់ប្រព័ន្ធរំលាយអាហារណាស់ ព្រោះផ្លែប៉ោមផ្ទុកដោយអាស៊ីដសីរីរាង្គខ្ពស់។
- ផ្លែចេក៖ ញ៉ាំចេកនៅពេលបាយល្ងាចរួច ងាយនឹងធ្វើឲ្យហើមពោះ រួមទាំងការរំលាយអាហារថែមទៀត។ លើសពីនេះ ការហូបចេកនៅពេលយប់ នឹងធ្វើឲ្យងាយផ្តាសាយ ស្លេស និងក្អក ពិសេសលើកុមារតែម្តង។
- បន្លែស្ពៃ៖ បន្លែដូចជាស្ពៃក្តោប ខាត់ណា ប្រូខូលី ឬស្ពៃបូកគោជាដើម សម្បូរដោយវីតាមីនច្រើនណាស់ តែវាក៏ផ្ទុកដោយជាតិកាកសសៃមិនងាយរំលាយច្រើនផងដែរ។ ហេតុនេះ វាត្រូវការពេលវេលាយូរដើម្បីរំលាយអាហារទាំងនេះនៅពេលបរិភោគរួច។ ហេតុនេះ បើអ្នកពិសារបន្លែទាំងនេះនៅពេលយប់ វាងាយប៉ះពាល់ដំណេក និងសុខភាពរបស់អ្នកជាទីបំផុត៕
ប្រភព៖
Phunutoday
ប្រែសម្រួល៖ លឹម សុនា