ដឹងពីចំណុចទន់ជ្រាយរបស់ខ្លួនខ្លាំងបំផុតជាអ្វី តាមរយៈការរើសឆ័ត្រ

2021-04-05 04:40:00
ចំនួនមតិ 0 | ចំនួនចែករំលែក 0

អ្នកកំពុងឆ្ងល់ពីខ្លួនឯងថា តើអ្វីទៅជាភាពទន់ខ្សោយ តើមែនទេ? ដូច្នេះ សាករើសឆ័ត្រមួយខាងក្រោមដើម្បីកាន់តែស្គាល់ពីបុគ្គលិកលក្ខណៈរបស់ខ្លួនឯងឲ្យកាន់តែច្បាស់ជាងមុន ដើម្បីជាចំណុចកែប្រែផងដែរ។

ឆ័ត្រទី១

ភាពខ្វះខាតរបស់អ្នកធំបំផុត គឺមិនសូវមានភាពច្បាស់លាស់ ខ្វះការអះអាង ហើយអ្នកមិនសូវចង់ឲ្យខ្លួនឯងធ្វើជាមនុស្សលេចធ្លោក្នុងក្រសែភ្នែកអ្នកដទៃឡើយ។ អ្នកគ្រាន់តែចង់រស់នៅតាមបែបជីវិតសាមញ្ញ ស្ងប់ស្ងៀម ធ្វើឲ្យជាញឹកញាប់អ្នកស្ថិតក្នុងទីតាំងដែលអសកម្ម និងតែងតែត្រូវបានអ្នកដទៃមិនសូវមើលឃើញក្នុងកែវភ្នែករបស់ពួកគេទេ។ ពេលខ្លះ អ្នកជាមនុស្សអៀនប្រៀន មិនព្រមដាក់សម្ពាធខ្លួនឯងឲ្យខិតខំទៅមុខ ដែលធ្វើឲ្យភាពខ្ជិលច្រអូសងាយអូសទាញអ្នក មិនឲ្យអភិវឌ្ឍទៅមុខបាន។

ត្រូវចាំថា បើចង់ធ្វើរឿងមួយឲ្យល្អ គប្បីបង្កើតការជម្រុញទឹកចិត្ត ព្រមទាំងដឹងពីរបៀបផ្លាស់ប្តូរ និងឆ្ពោះទៅមុខ។

ឆ័ត្រទី២

ដោយសារតែអ្នកតែងខ្វះការគោរពចំពោះខ្លួនឯង មិនសូវចេះផ្តល់អារម្មណ៍សុវត្ថិភាពលើខ្លួនឯង អ្នកតែងតែគិតរឿងក្នុងផ្លូវអវិជ្ជមាននៅពេលណាមានបញ្ហា។ រឿយៗ អ្នកក៏បាត់បង់ទំនុកចិត្ត ខ្វះភាពបត់បែននៅកន្លែងធ្វើការផងដែរ។ ហេតុនេះ បើចង់ជោគជ័យ គប្បីកែប្រែចំណុចទាំងនេះចោល។

ឆ័ត្រទី៣

អ្នកមិនសូវមានភាពអត់ធ្មត់ប៉ុន្មានទេ លើរឿងមួយចំនួន។ អ្នកខ្វះការប្រុងប្រយ័ត្នលើការរៀបចំ និងជួនកាលធ្វើការតាមអារម្មណ៍ថែមទៀត។ ថ្វីត្បិតអ្នកឆេវឆាវបន្តិចមែន តែជាមនុស្សធ្វើការងារដោយមិនចេះនឿយហត់។ អ្នកចូលចិត្តភាពស្រស់ស្រាយក្នុងជីវិត ទើបអ្នកមិនចង់រស់នៅក្រោមការគ្រប់គ្រងរបស់នរណាបែបនេះ។ នៅពេលមានរឿងដែលធ្វើឲ្យអ្នកជាប់អន្ទាក់ចិត្តជាមួយហើយ អ្នកដាក់ចិត្តដាក់កាយខ្លាំងណាស់ ព្រមទាំងចេះខ្វាយខ្វល់ យកចិត្តទុកដាក់ ហើយភ្លេចរឿងផ្សេងអស់រលីង។

ឆ័ត្រទី៤

កង្វះខាតដ៏ធំបំផុតរបស់អ្នក គឺចូលចិត្តសម្លឹងមើលខ្លួនឯងហើយប្រៀបធៀបជាមួយអ្នកដទៃ ខ្លាចគេ និងតែងតែគិតថាខ្លួនឯងមិនទាន់ល្អគ្រប់គ្រាន់ ខ្លាចអ្នកដទៃមើលឃើញពីចំណុចមិនល្អរបស់ខ្លួនជាដើម។ ទាំងនេះបានក្លាយជារនាំងនាំឲ្យអ្នកពិបាកបើកទ្វារដើម្បីបង្កើតទំនាក់ទំនងជាមួយមនុស្សផ្សេងៗ ។ ជាទូទៅ អ្នកកម្រមានមិត្តជិតស្និទ្ធណាស់ ហើយមានទំនាក់ទំនងតិចតួចប៉ុណ្ណោះ។

ប្រភព៖ emdep ប្រែសម្រួល៖ លឹម សុនា