មិនចង់ជួបស្នេហ៍រាយមាយ អូសក្រឡាយូរ នារីខ្ទង់៣០ឆ្នាំ គួរពិចារណារឿង៥យ៉ាងនេះសិន

2021-03-04 08:24:00
ចំនួនមតិ 0 | ចំនួនចែករំលែក 0

ជាការពិត ស្នេហាដែលចាប់ផ្តើមឡើងនៅអាយុ២០ឆ្នាំ និង៣០ឆ្នាំ គឺមិនដូចគ្នាទេ។ អ្នកប្រហែលជាមានអារម្មណ៍ថា ផ្លូវដើរសម្រាប់អ្នកកាន់តែចង្អៀតតូច ហើយបេះដូងរបស់អ្នកនឹងមានបញ្ហាជាមួយការពិត។ យ៉ាងណាក៏ដោយ អស់ពេលជាងមួយទស្សវត្សមកនេះ បើអ្នកនៅ Single ហើយចង់មានស្នេហាជាថ្មីម្តងទៀត អ្នកគួរឈប់ដាក់សម្ពាធលើខ្លួនឯង ហើយយកចិត្តទុកដាក់លើចំនុចដូចខាងក្រោម៖

១. យល់ពីអ្វីដែលអ្នកចង់បាន

ជាការសំខាន់ណាស់ដែលដំបូងអ្នកត្រូវដឹងពីអ្វីដែលអ្នកចង់បាន។ ទំនាក់ទំនងកាលពីអតីត និងរឿងរ៉ាវស្នេហាកាលពីមុន អាចប្រាប់អ្នកនូវអ្វីដែលអ្នកមិនចូលចិត្ត ហើយថែមទាំងជួយប្រាប់អ្នកយ៉ាងច្បាស់ពីអ្វីដែលអ្នកចង់បានយ៉ាងពិតប្រាកដពីដៃគូផងដែរ។ ម្ល៉ោះហើយ អ្នកគួរផ្តោតខ្លាំងលើតម្លៃខាងក្នុងរបស់ដៃគូឲ្យបានច្រើន ជាជាងគេងស្រមៃចង់បានបុរសមានរូបរាងស្អាតដូចទេវបុត្រជិះសេះស ព្រោះនៅចុងបញ្ចប់ គឺមានតែអត្តចរិតនិងតម្លៃពីខាងក្នុងទេ ទើបសំខាន់ពិតប្រាកដ។

២. បង្ហាញចេតនាពីអ្វីដែលនៅក្នុងបេះដូងរបស់អ្នក

ចៀសវាងការខ្ជះខ្ជាយពេលវេលាទៅលើបុរសណាម្នាក់ អ្នកគួរបង្ហាញពីចេតនារបស់អ្នកតាំងពីដំបូង។ នោះអាចនិយាយពីក្តីស្រលាញ់ ការរៀបការជាដើម ដែលជាវិធីមួយឲ្យម្នាក់ទៀតដឹងថាបេះដូងរបស់អ្នកកំពុងត្រូវការអ្វី។ បង្ហាញថា អ្នកមិនត្រូវការបុរសដែលគ្រាន់ចូលមកលេងសើចនឹងអ្នកនោះទេ អ្វីដែលអ្នកត្រូវការគឺភាពច្បាស់លាស់។

៣. បើកបេះដូងទទួលយកបុរសណាម្នាក់ដែលមិនមែនជា Type

នៅអាយុចាប់ពី៣០ឆ្នាំ គឺជាពេលដែលអ្នកគួរឈប់គិតហួសហេតុពី " Type of Person” ហើយហ៊ាន Date ជាមួយ New type ។ ពេលខ្លះ លទ្ធផលក៏អាចចេញមកល្អលើសពីការរពឹងទុកបានផងដែរ។ នៅពេលបេះដូងរបស់អ្នកចេះពិចារណាពីចរិតខាងក្នុងរបស់បុគ្គលណាម្នាក់បាន ពេលនោះអ្នកនឹងលែងខ្វល់ច្រើនពីរូបរាងខាងក្រៅរបស់គេ កម្ពស់ ឬ មុខរបររបស់គេទៀតហើយ ព្រោះអ្វីដែលអ្នកចង់បាននៅពេលនេះគឺចរិតល្អ។

៤. ឈប់ផ្តោតខ្លាំងពេកលើ Dating Apps

ស្នេហា មិនមែនអាចកើតឡើងដោយ១វិធីទេ ពេលខ្លះវាអាចកើតឡើងបានគ្រប់ពេលវេលា គ្រប់ទីកន្លែង។ ហេតុនេះ អ្នកគួរបើកបេះដូង បើកផ្លូវខ្លួនឯង។ ថ្ងៃណាមួយ អ្នកនឹងរកឃើញមនុស្សម្នាក់នោះ ដែលគេក៏ប្រហែលពេលនេះកំពុងស្វែងរកអ្នកដូចគ្នា។

៥. ស្តាប់តាមខួរក្បាល

នៅខ្ទង់២០ឆ្នាំ អ្នកប្រហែលធ្វើអ្វី ស្រលាញ់នរណាម្នាក់តាមបេះដូងរបស់ខ្លួន តែនៅវ័យ៣០ឆ្នាំហើយ អ្នកគួរងាកមកស្តាប់ខួរក្បាលវិញម្តង។ ទំនាក់ទំនង អាចថាខុសពីមុន ដូច្នេះអ្នកនឹងស្វែងយល់បានថាអ្វីខុស អ្វីត្រូវ អ្វីគួរធ្វើ និងមិនគួរជាដើម ចៀសវាងខ្ជះខ្ជាយពេលវេលា និងមនោសញ្ចេតនាលើមនុស្សដែលធ្វើឲ្យអ្នកមិនសប្បាយចិត្តនៅពេលក្រោយ៕

ប្រភព៖ phunuvagiadinh ប្រែសម្រួល៖ លឹម សុនា