ថែសម្រស់ពីឥលូវកុំឲ្យចាស់ជ្រុល មុនថ្ងៃ៨មីនា ដោយវិធីទាំងនេះ

2021-02-22 04:25:00
ចំនួនមតិ 0 | ចំនួនចែករំលែក 0

ដោយវិធីងាយៗ អ្នកក៏អាចទប់ស្កាត់ស្នាមជ្រួញ ភាពចាស់ជាងវ័យដោយគន្លឹះសំខាន់ៗដំបូង ដែលអ្នកអាចចាប់ផ្តើមធ្វើពីឥលូវនេះ ដើម្បីកុំឲ្យពេលដល់ថ្ងៃពិសេស ស្រាប់តែមុខចាស់ជាងថ្ងៃសព្វមួយដង។ ពេលខ្លះ មិនបាច់ទាល់តែត្រូវប្រើរូបមន្តអ្វីស្អេកស្កះឡើយ ព្រោះថាមូលដ្ឋានគ្រឹះដំបូងដោយវិធីខាងក្រោមនេះ នឹងជួយទប់ស្កាត់ស្នាមជ្រួញបានតាំងពីដំណាក់កាលដំបូង។

១. លាងមុខ ពិសេសមុនចូលគេង

លាងសម្អាតមុខ ពិសេសមុនចូលគេងមានប្រសិទ្ធភាពរារាំងមិនឲ្យកើតមុន ស្បែកស្ងួត និងឆាប់ជ្រួញផងដែរ។ លើសពីនេះ ក៏ជួយទប់ស្កាត់មិនឲ្យឆាប់ឡើងជ្រួញនៅបរិវេណជុំវិញរង្វង់ភ្នែកថែមទៀត។ មនុស្សស្រីជាច្រើនគិតថា ជំហាននេះដូចជាសាមញ្ញពេកហើយ តែបើអ្នកប្រើផលិតផលថ្លៃយ៉ាងណាក៏ដោយ បើមិនព្រមលាងជម្រះវាចេញឲ្យស្អាតមុនចូលគេងទេ មុខរបស់អ្នកនឹងឆាប់ជ្រួញមិនខាន។

២. ប្រុងប្រយ័ត្ននៅពេល remove makeup ត្រង់បរិវេណភ្នែក

អ្នកបានដឹងរួចហើយថា ការលាងសម្អាតមុខឲ្យស្អាតមានគុណប្រយោជន៍ច្រើន។ ម្យ៉ាងទៀត ការលាងជម្រះគ្រឿងសម្អាងនៅត្រង់បរិវេណភ្នែក បើអ្នកមិនប្រយ័ត្ន ដោយប្រើដៃសង្កត់ធ្ងន់ៗពេក ព្រោះខ្លាចមិនជ្រះម៉ាស្ការ៉ា ឬ eyeliner ក៏ច្បាស់ជាឡើងជ្រួញកន្ទុយភ្នែក ឬរលាកស្បែកលឿនមិនខាន។ ហេតុនេះ វិធីល្អ គប្បីជូតសម្អាតថ្នមៗ។

៣. លាបឡេដោយកុំភ្លេចម៉ាស្សាផង

ចង់បានស្បែកទន់មានសំណើម មនុស្សស្រីជាច្រើនប្រាកដជាត្រូវលាបឡេហើយ ព្រោះនៅពេលស្បែកស្ងួត នឹងមើលទៅឆាប់ចាស់ណាស់។ តែបើចង់ឲ្យសារធាតុចិញ្ចឹមរបស់ឡេជ្រាបចូលមកចិញ្ចឹមស្បែកមុខបានបរិបូរណ៍ អ្នកមិនត្រូវភ្លេចម៉ាស្សាបន្ថែមលើផ្ទៃមុខពីក្រោយនោះទេ។ អ្នកត្រូវយកម្រាមដៃម៉ាស្សាពីផ្ទៃមុខខាងក្នុងចេញទៅខាងក្រៅ ពីក្រោមឡើងទៅលើ។

៤. ជ្រើសរើសផលិតផលដែលមានស្តង់ដា ខាងទប់ស្កាត់ស្នាមជ្រួញ

នៅពេលអ្នកជ្រើសរើសជំនួយការផ្នែកសម្រស់បានត្រឹមត្រូវ ចំគោលដៅពិតប្រាកដ អ្នកច្បាស់ជាអាចទប់ស្កាត់មិនឲ្យលេចចេញស្នាមជ្រួញបានយ៉ាងជោគជ័យ។ ហេតុនេះ នៅពេលទិញផលិតផល អ្នកគួរចេះមើលគ្រឿងផ្សំដែលមានដាក់លើសំបក ក្នុងការប្រយុទ្ធប្រឆាំងយ៉ាងមានប្រសិទ្ធភាពដូចជា សារធាតុ រ៉េទីណយ/ រ៉េទីណុល វីតាមីន C សារធាតុ niacinamide , peptide … ជាដើម៕

ប្រភព៖ Guu ប្រែសម្រួល៖ លឹម សុនា