ឆ្កែចិញ្ចឹមរបស់ Rosé មានអ្នកគាំទ្រជាង ១លាននាក់ ប្រើរបស់តម្លៃរាប់ពាន់ដុល្លារ

2021-02-08 03:10:00
ចំនួនមតិ 0 | ចំនួនចែករំលែក 0

ឆ្កែចិញ្ចឹមតារាចម្រៀងស្រីល្បីឈ្មោះកូរ៉េ Rosé ប្រើសម្ភារៈលំដាប់ខ្ពស់ពីប្រេនខោអាវល្បីឈ្មោះ Saint Laurent។

កាលពីពេលថ្មីៗនេះ តារាចម្រៀងស្រីកូរ៉េ Rosé បានទទួលចិញ្ចឹមឆ្កែមួយក្បលដែលត្រូវគេបោះបង់។ ម្ចាស់បទ Gone បានដាក់ឈ្មោះឲ្យសត្វចិញ្ចឹមសំណព្វរបស់ខ្លួនថា Hank។ តារាវ័យ ២៣ឆ្នាំ ថែមទាំងបានបង្កើតគណនីបណ្ដាញសង្គមឲ្យឆ្កែមួយក្បាលនេះទៀតផង ដោយមិនយូរក្រោយពីការបង្កើតប៉ុន្មាន ឆ្កែនេះមានអ្នកគាំទ្រជាង ១លាននាក់។

ដោយសារតែមានម្ចាស់ជាអ្នកតំណាងរបស់ប្រេនខោអាវលំដាប់ពិភពលោក Saint Laurent ដូចនេះហើយ Hank ក៏ត្រូវបានប្រេននេះផ្ញើជូនកាដូចជាពិសេស។ មិនត្រឹមតែប៉ុណ្ណោះ លោក Anthony Vaccarello ដែលជានាយកក្រុមហ៊ុនថែមទាំងបានសរសេរសំបុត្រផ្ទាល់ដៃឲ្យឆ្កែនេះទៀតផង។

តាមនោះដែរ សម្ភារៈដែល Hank ប្រើប្រាស់មានតម្លៃចាប់ពីរាប់រយដុល្លារ ទៅកាន់រាប់ពាន់ដុល្លារ។ ជាក់ស្ដែង ចានដាក់អាហាររបស់ឆ្កែនេះមានតម្លៃ ៦៩០ដុល្លារ សម្រាប់ចានធំ និង៦១៥ដុល្លារ សម្រាប់ចានតូច។

ហើយរបស់ប្រើដែលថ្លៃជាងគេរបស់ឆ្កែនេះគឺសាក់កាដូដាក់សត្វចិញ្ចឹមពេលដើរលេងដែលមានតម្លៃឡើងដល់ ៣២៥០ដុល្លារ។ មនុស្សជាច្រើនបានលាន់មាត់ថា Hank ពិតជាសំណាងខ្លាំងណាស់ ត្បិតផ្លាស់ពីឆ្កែដែលត្រូវគេបោះបង់ មកក្លាយជាឆ្កែដែលប្រើប្រាស់សុទ្ធតែរបស់ប្រេនៗ៕