រើសកាក់មួយដើម្បីទទួលបានសារក្រឿនរំលឹកដល់អ្នក ក្នុងខែកុម្ភៈនេះ
- 2021-02-03 03:25:00
- ចំនួនមតិ 0 | ចំនួនចែករំលែក 0
រើសកាក់មួយដើម្បីទទួលបានសារក្រឿនរំលឹកដល់អ្នក ក្នុងខែកុម្ភៈនេះ
សាករើសកាក់មួយ ដើម្បីដឹងពីក្តីរំពឹងដែលកើតឡើង ក្នុងខែកុម្ភៈនេះ។
កាក់ទី១
កាក់នេះបានប្រាប់ថា អ្នកគួរតែសម្រាកឲ្យបានច្រើន ព្រោះអ្នកកំពុងប្រឈមនឹងភាពហត់នឿយហើយ។ គួរតែផ្តល់ពេលវេលាសម្រាប់ខ្លួនឯង ទើបជាការល្អ។ ត្រូវរក្សាចិត្តឲ្យស្ងប់ មានទំនួលខុសត្រូវ ព្រោះជោគវាសនារបស់អ្នកគឺស្ថិតលើកណ្តាប់ដៃរបស់អ្នកហើយ។
ត្រូវបោះបង់ចោលអ្វីដែលអ្នកពិបាកគ្រប់គ្រង នោះអនាគតនឹងនាំនូវអ្វីដែលអ្នកប៉ង អ្វីដែលអ្នកចង់បានមិនខាន។
កាក់ទី២
បើទោះជាពេលនេះ អ្នកកំពុងមានអារម្មណ៍ធុញថប់និងរងសម្ពាធក៏ដោយ តែនៅពេលប្រឈមឧបសគ្គកាន់តែច្រើន វាបែរប្រែជាកម្លាំងចលករជួយអ្នកឲ្យដឹងពីកម្លាំងនិងថាមពលពិតដែលអ្នកត្រូវការ។ ម្ល៉ោះហើយដើម្បីទទួលបានជោគជ័យ មិនថាមានអ្វីកើតឡើងក្នុងអតីតកាលនោះទេ ត្រូវតែជម្នះ។
ខណៈពេលនេះ អ្នកកំពុងអភិវឌ្ឍចិត្តគំនិត ស្មារតី ការតាំងចិត្តដើម្បីប្រយុទ្ធប្រឆាំង ប្រៀបដូចជាខ្លាកំពុងការពារកូនរបស់ខ្លួនអ៊ីចឹង។ ដូច្នេះ ត្រូវជឿជាក់លើខ្លួនឯង ដោយមានសេចក្តីថ្លៃថ្នូរ និងភាពរឹងមាំនៅក្នុងចិត្ត។
កាក់ទី៣
កាក់នេះបង្ហាញថា អ្នកមិនត្រូវប្រៀបធៀបខ្លួនឯងនឹងអ្នកដទៃឡើយ។ អ្នកខ្លះមើលទៅមានទ្រព្យសម្បត្តិ តែសុភមង្គលវិញ ហាក់មិនសូវមានឡើយ។ ចំណែកអ្នកខ្លះវិញ ថ្វីបើគេគ្មានទ្រព្យសម្បត្តិច្រើនហូរហៀរ តែជុំវិញគេពេញដោយក្តីស្រលាញ់ និងថាមពលមិនអាចកាត់ថ្លៃបាន។ កាក់នេះបានក្រឿនរំលឹកដល់អ្នកថា គោលដៅពិតប្រាកដរបស់អ្នក គឺមិនគួរផ្តោតលើការរកប្រាក់ពេកទេ តែត្រូវផ្តោតលើការស្វែងរកសុភមង្គល។ ត្រូវធ្វើអ្វីដែលអារម្មណ៍អ្នកកំពុងខ្វះខាតនៅពេលនេះ នោះអ្នកនឹងរកឃើញសុភមង្គលមិនខាន៕