រើសកាតមួយដើម្បីដឹងច្បាស់ពីរឿងហេតុ បម្រុងនឹងកើតឡើងក្នុងខែកុម្ភៈខាងមុខ

2021-01-29 05:15:00
ចំនួនមតិ 0 | ចំនួនចែករំលែក 0

តើកាតមួយណាដែលអ្នកពេញចិត្តជាងគេ? សាករើសមួយដើម្បីទស្សន៍ទាយដឹងពីរឿងហេតុនៅក្នុងខែកុម្ភៈខាងមុខ។

រូបទី១

កាតនេះបង្ហាញថាក្នុងខែកុម្ភៈ អ្នកនឹងប្រឈមរឿងរ៉ាវមួយចំនួនដែលពិបាកគ្រប់គ្រង។ អ្នកត្រូវបង្ខំចិត្តធ្វើការសម្រេចចិត្តរឿងមួយ ដើម្បីឲ្យរឿងទាំងនេះបានល្អឡើងវិញ។ បើនិយាយពីហិរញ្ញវត្ថុវិញ វាអាចមានបញ្ហាលើការចំណាយ និងចំណូល ដែលតម្រូវឲ្យអ្នកត្រូវគិតគូពិចារណាអំពីប្រភពដើមឲ្យបានច្បាស់លាស់។

បញ្ហាមួយទៀត វាក៏អាចទៅរួចផងដែរ គឺរឿងស្នេហា។ អ្នកអស់អារម្មណ៍ និងពិបាកគ្រប់គ្រងចិត្ត។ ដូច្នេះត្រូវសួរខ្លួនឯងថាតើមនុស្សម្នាក់នោះ ពិតជាស្រលាញ់អ្នកឬទេ? ហើយតើអ្នកទាំងពីរមានភាពចុះសម្រុងគ្នាក្នុងទំនាក់ទំនងនេះឬអត់។ ចំណែកនៅកន្លែងធ្វើការ ក៏ប្រហែលជាជួបបញ្ហាផងដែរ ធ្វើឲ្យអ្នកពិបាកដាក់គោលដៅ និងកាន់តែធ្វើឲ្យរឿងរ៉ាវរញ៉េរញ៉ៃ។

ហេតុនេះ អ្នកត្រូវរក្សាគម្លាតបន្តិចលើគ្រប់រឿងទាំងអស់ ព្រមទាំងរៀបចំវាឡើងវិញឲ្យមានតុល្យភាព។

រូបទី២

នៅខែក្រោយនេះ អ្នកគួរឆ្លៀតពេលសម្រាកខ្លះទៅ។ អ្នកបានប្រឈមនឹងរឿងលំបាកៗច្រើន ដែលល្មមដល់ពេលវេលាឲ្យអ្នកឈប់គិត និងលំហែសម្រាប់ខ្លួនឯងវិញម្តង។ ប្រសិនបើជីវិតរបស់អ្នកបានជួបនូវបញ្ហាវឹកវរច្រើន នោះគ្រប់យ៉ាងអាចនឹងធ្លាក់ចុះបាន ហើយបញ្ហានឹងត្រូវបានដោះស្រាយ បន្ទាប់មករឿងស្មុគស្មាញនឹងកាត់បន្ថយ។

ជាទូទៅ កាតនេះគឺតំណាងនូវសន្តិភាព ភាពរីករាយ ភាពសុខដុមរមនា និងសុភមង្គល។ កុំភ្លេចផ្តល់អំណោយសម្រាប់ខ្លួនឯងជារង្វាន់ដំណើរកម្សាន្តបែបរីករាយ ដើម្បីសាកថ្មថាមពលឲ្យជីវិតខ្លួនឯងបានល្អប្រសើរជាងនេះ។

រូបទី៣

អាចនិយាយបានថា ខែកុម្ភៈនេះគឺពោរពេញដោយក្តីសង្ឃឹមយ៉ាងត្រចះត្រចង់សម្រាប់អ្នក។ គ្រប់យ៉ាងនឹងប្រែជារលូន ដោយក្តីពេញចិត្ត ព្រមទាំងសំណាងសម្រាប់អ្នក។ អ្នកនឹងមានអារម្មណ៍សប្បាយចិត្តយ៉ាងពិតប្រាកដ ព្រមទាំងពោរពេញដោយថាមពល។ គ្រប់រឿងរ៉ាវមិនសប្បាយចិត្តនឹងត្រូវដកចេញ ចាកផុតពីភាពខ្មៅងងឹត។ ប្រសិនបើអ្នកកំពុងជាប់គាំងឬក៏មានអារម្មណ៍ថប់បារម្ភច្រើន នោះវានឹងអាចកាត់បន្ថយបាន។

ដូច្នេះហើយ កុំភ្លេចចែករំលែកក្តីស្រលាញ់ ភាពរីករាយគ្រប់នាទីរបស់អ្នក ជាមួយមនុស្សគ្រប់គ្នា និងព្យាយាមធ្វើឲ្យបានច្រើន ដើម្បីបង្កើតឲ្យជីវិតរបស់អ្នកកាន់តែមានអត្ថន័យជាងមុន។