៥ យ៉ាងដែលអ្នកមិនគួរបង្ហោះលើបណ្តាញសង្គម

2021-01-25 02:15:00
ចំនួនមតិ 0 | ចំនួនចែករំលែក 0

នេះជាសម័យដែលមនុស្សនិយមប្រាស្រ័យទាក់ទងគ្នា និងស្គាល់មិត្តថ្មីៗតាមរយៈបណ្តាញសង្គម។ បើអ្នកចង់ចែករំលែកពីរឿងអ្វីមួយ វាងាយស្រួលនិងរហ័សខ្លាំងណាស់។ ដោយសារតែងាយស្រួលពេក ទើបពេលខ្លះធ្វើឲ្យលេចឡើងនូវការបង្ហោះផ្តេសផ្តាស ដោយមិនបានគិតពីលទ្ធផលអវិជ្ជមានជាមុន។ ខាងក្រោមនេះ ជាចំណុចមួយចំនួន ដែលអ្នកមិនគួរបង្ហោះនៅលើបណ្តាញសង្គម។

១. ប្រមាថឬនិយាយមិនល្អពីអ្នកដទៃ

បង្ហោះនិយាយដៀមដាមឬនិយាយអាក្រក់ពីអ្នកដទៃ ជារឿងមិនគួរបង្ហោះទាល់តែសោះ។ វាមិនត្រឹមតែធ្វើឲ្យប៉ះពាល់ដល់អ្នកដទៃប៉ុណ្ណោះទេ គេឯងអាចមើលមកអ្នកក្នុងផ្លូវអវិជ្ជមានផងដែរ។ ទោះបីអ្នកខំលុបចោលវិញដោយ ខួរក្បាលមនុស្សនិងសម្តីនិយាយតៗគ្នាមិនងាយរលុបដាច់ខាត។

២. រូបសិចស៊ីជ្រុលហួសហេតុ

មានរូបរាងនិងសម្រស់ស្អាតទាក់ទាញ ពេលខ្លះទប់ចិត្តមិនបង្ហាញគេមិនបាន។ យ៉ាងណា កុំភ្លេចថា ធ្វើបែបនេះ អ្នកនឹងត្រូវបានវាយតម្លៃដោយមិនដឹងខ្លូន ថែមទាំងអាចធ្វើឲ្យខ្លួនគ្រោះថ្នាក់ទៀតផង ព្រោះមានមនុស្សប្រុសខ្លះ កើតរោគចិត្ត គ្រាន់តែឃើញភ្លាម ចង់បានភ្លែត និងតាមចង់ដឹងព័ត៌មានលម្អិតពីអ្នក។

៣. បញ្ហាស្នេហា

ចង់ឈ្លោះ ចង់បែកគ្នាពេលណា គ្មានអ្វីចាំបាច់ត្រូវបង្ហោះជាសាធារណៈទេ។ វាជារឿងឯកជនរបស់មនុស្សម្នាក់ៗ នរណាក៏ត្រូវការកិត្តិយលថ្លៃថ្នូរដែរ។ បើមានបញ្ហាអ្វីបន្តិច ចាំតែហែកឲ្យគេដឹងនោះ ប្រៀបបាននឹងលាតត្រដាងកេរ្តិ៍ខ្មាសឲ្យគេឃើញដូច្នោះដែរ។

៤. អួតសម្ភារថ្លៃៗ

បើអ្នកមានសមត្ថភាពប្រើរបស់ថ្លៃល្បីៗមិនខុសអីទេ ប៉ុន្តែត្រូវគិតពីសុវត្ថិភាពផ្ទាល់ខ្លួនផង ព្រោះសម័យឥលូវទុកចិត្តមិនបានទេ ស្រួលមិនស្រួលមានជនខិលខូចខ្លះតាមអ្នកដល់ផ្ទះក៏ថាបាន។

៥. រូបភាពផឹកស្រាឬជក់បារី

មើលទៅដូចជារឿងធម្មតាសោះ ប៉ុន្តែបើអ្នកបង្ហោះបែបនេះ ក៏មិនមែនរូបភាពល្អដែរ។ មួយដបដែលអ្នកបានបង្ហោះយូរៗម្តងហាក់បីដូចជាកំពុងតែលាបពណ៌ខ្លួនឯង ធ្វើឲ្យអ្នកដទៃវាយតម្លៃខុសមកលើរូបអ្នកជារៀងរហូត៕

ចុចអានបន្ត៖ ជួបរឿងហត់នឿយ និងឈឺចាប់ ត្រូវដាស់តឿនខ្លួនឯងនូវពាក្យ ៣ ម៉ាត់នេះ

ប្រភព៖ Spiceee ប្រែសម្រួល៖ ដេត ឈុនអ៊ី