Hyun Bin និង Son Ye Jin មានគម្រោងរៀបការឆាប់ៗ
- 2021-01-15 03:05:00
- ចំនួនមតិ 0 | ចំនួនចែករំលែក 0
Hyun Bin និង Son Ye Jin មានគម្រោងរៀបការឆាប់ៗ
ដោយសារតែសុទ្ធតែមានអាយុ ៣៩ឆ្នាំអស់ហើយ និងព្រោះដោយសារចង់រៀបការមុនអាយុ ៤០ឆ្នាំទាំងអស់គ្នានោះ កំពូលតារាសម្ដែងកូរ៉េ Son Ye Jin និង Hyun Bin ចង់រៀបការឆាប់ៗ។
កាលពីថ្ងៃទី ១៤ ខែមករាកន្លងទៅនេះ បណ្ដាញព័ត៌មាន Naver បានរាយការណ៍ថា សិល្បករលំដាប់ A ពីរដួងរបស់កូរ៉េគឺ Son Ye Jin និង Hyun Bin ចាប់ផ្ដើមមានគម្រោងរៀបអាពាហ៍ពិពាហ៍ហើយ។ តាមនោះដែរ មិត្តភ័ក្ដិជិតស្និទ្ធរបស់ស្រីស្រស់ប្រុសស្អាតទាំង២ បានទម្លាយទៅកាន់ប្រភពខាងលើថា អ្នកទាំង២គឺច្បាស់លាស់នឹងរឿងស្នេហាខ្លាំង។
“ទោះបីជាមានវ័យច្រើនមែនពិត តែពួកគេទាំង២មិនបានទទួលយកស្នេហាដោយប្រញាប់ប្រញាល់នោះឡើយ” ប្រភពខាងលើបញ្ជាក់។ មិត្តភ័ក្ដិរូបនេះក៏បន្ថែមដែរថា ដោយសារតែពួកគេទាំង២មានអាយុ ៣៩ឆ្នាំ ហើយចង់រៀបការមុនអាយុ ៤០ ដូចនេះពិធីមង្គលការអាចនឹងកើតឡើងឆាប់ៗ។
បណ្ដាញព័ត៌មាន Ilyo Shinmun បានរាយការណ៍ថា ឪពុកម្ដាយរបស់ Hyun Bin កំពុងស្វែងរកទិញខុនដូលំដាប់ខ្ពស់នៅតំបន់ Hannam-don ដែលគេហដ្ឋាននេះនឹងជាកន្លែងស្នាក់នៅរបស់តារាទាំង២ក្រោយពេលរៀបការ។ ភ្នាក់ងារអចលនទ្រព្យបានឲ្យដឹងថា ផ្ទះដែលឪពុកម្ដាយតួរឿង Secret Garden មើលនេះមានតម្លៃជិត ៥លានដុល្លារ៕