ទស្សនាវដ្ដីល្បីឈ្មោះ លុបរូបរបស់ Fan Bingbing ចេញទាំងអស់ក្រោយរងសម្ពាធពីទស្សនិកជន

2020-12-29 02:45:00
ចំនួនមតិ 0 | ចំនួនចែករំលែក 0

ក្រោយរយៈពេល២ឆ្នាំ ជួបតែរឿងសំណាងមិនល្អ ត្រូវគេកាត់តួ ត្រូវគេដណ្ដើមសាច់រឿងហើយ មនុស្សជាច្រើននឹកស្មានថា តារាសម្ដែងស្រីចិនល្បីឈ្មោះ Fan Bingbing នឹងមានជីវិតរីករាយឡើងវិញ តែការពិតមិនដូចនាងរំពឹងនោះឡើយ។

កាលពីថ្ងៃទី ២៨ ខែធ្នូមុននេះ បណ្ដាញព័ត៌មាន QQ បានឲ្យដឹងថា គណនី Weibo របស់ទស្សនាវដ្ដី T China ដែលជាទស្សនាវដ្ដីស្ថិតក្នុងចំណាត់ថ្នាក់លេខ៥នោះ បានលុបចោលទាំងអស់នូវរូបថតដែលគ្រោងជាគ្របខែមករាឆ្នាំថ្មី សម្រាប់ទស្សនវដ្ដីខ្លួន។ មុននោះដែរ កាលពីថ្ងៃទី ២៥មុននេះ T China បានប្រកាសថា បងប្អូនបង្កើតមួយគូគឺ តារាសម្ដែងស្រី Fan Bingbing និង Fan Chengcheng នឹងជាតារាគ្របមុខរបស់ខ្លួនសម្រាប់លេខចេញផ្សាយឆ្នាំថ្មី។

គួរឲ្យសោកស្ដាយ ដោយសារតែរឿងអាស្រូវគេចពន្ធរបស់រាជិនីទូរទស្សន៍បានធ្វើឲ្យមហាជនជាច្រើនមិនពេញចិត្តនៅពេលនាងក្លាយជាតារាគ្របមុខរបស់ទស្សនាវដ្ដីជួរមុខនេះ។ នៅព្រឹកថ្ងៃទី ២៨ ដោយសារតែទ្រាំនឹងសម្ពាធមិនបាន T China បានលុបចោលរូបភាពរបស់បងប្អូនទាំង២ខាងលើទាំងអស់ ។

ខណៈមហាជនទូទៅគិតថា នេះគឺជាការសម្រេចចិត្តត្រឹមត្រូវរបស់ទស្សនាវដ្ដីខាងលើនោះ ក្រុមអ្នកគាំទ្ររបស់តួអ៊ូម៉ឺនាងបានបង្ហាញភាពខ្លោចផ្សារជាខ្លាំង ដោយមិនដឹងថា ថ្ងៃណាតារាដែលខ្លួនស្រលាញ់ទើបអាចត្រលប់មកពិភពសិល្បៈពេញលេញបាន៕