បុរសម្នាក់ដើរ ៤៥០គីឡូដី ដោយសារឈ្លោះគ្នាជាមួយប្រពន្ធ
- 2020-12-07 02:39:00
- ចំនួនមតិ 0 | ចំនួនចែករំលែក 0
បុរសម្នាក់ដើរ ៤៥០គីឡូដី ដោយសារឈ្លោះគ្នាជាមួយប្រពន្ធ
នៅលើផ្លូវ Fano ទីក្រុង Adriatic ប្រទេសអ៊ីតាលី ប៉ូលិសរកឃើញម្នាក់កំពុងដើរម្នាក់ឯងនៅម៉ោង ២ភ្លឺ។ នៅពេលប៉ូលិសកំពុងដើរត្រួតពិនិត្យនៅលើផ្លូវ Fano នៃក្រុងជាយសមុទ្រ Adriatic ប្រទេសអ៊ីតាលី គេបានប្រទះឃើញ បុរសម្នាក់អាយុ ៤៨ឆ្នាំ កំពុងដើរតែលតោលតែម្នាក់ឯង ក្នុងសភាពហត់នឿយ និងរងារខ្លាំង។
នៅពេលសួរថាហេតុអ្វីបានជាលោករសាត់អណ្ដែតដល់ទីនេះ បុរសខាងលើបានឆ្លើយថា៖ ខ្ញុំឈ្លោះគ្នាជាមួយប្រពន្ធ ទើបដើរចេញក្រៅដើម្បីរំសាយអារម្មណ៍។ ចេះតែដើរទៅ ក៏មកដល់ទីនេះតែម្ដង។ នៅពេលបញ្ចូលទិន្និន័យទៅ ប៉ូលិសបានរកឃើញថា បុរសរូបនេះបានចេញពីផ្ទះ ១សប្ដាហ៍ហើយ។
មុននោះដែរ ប្រពន្ធរបស់លោកបានប្ដឹងប៉ូលិសដោយសារបាត់ប្ដីពីផ្ទះយូរពេក។ នៅក្នុងពាក្យបណ្ដឹង នារីជាប្រពន្ធបានទទួលស្គាល់ដែរថា ខ្លួនពិតជាមានជម្លោះជាមួយប្ដីពិតប្រាកដមែន។ តាមការឲ្យដឹងរបស់ប៉ូលិស ពីកន្លែងស្នាក់នៅរបស់លោក មកដល់កន្លែងដែលប៉ូលិសរកឃើញលោកគឺមានចម្ងាយឃ្លាតពីគ្នាដល់ទៅ ៤៥០គីឡូម៉ែត្រ។
បុរសដដែលបានឲ្យដឹងថា ខ្លួនបានដើរថ្មើរជើងដោយមិនបានប្រើយានជំនិះអ្វីទាំងអស់ ហើយអ្នកភូមិឲ្យអ្វី គឺលោកញ៉ាំហ្នឹង។ លោកមិនកើតអីនោះទេ គ្រាន់តែហត់បន្តិច។ បន្ទាប់មក ប៉ូលិសបានជួលសណ្ឋាគារឲ្យបុរសរូបនេះសម្រាកដើម្បីចាំប្រពន្ធមកទទួល តែនាងត្រូវចំណាយថ្លៃសណ្ឋាគារ និងថ្លៃពិន័យ ៥០០ដុល្លារ ព្រោះល្មើសម៉ោងហាមឃាត់ចេញចូល ដោយសារជម្ងឺកូវីដ ១៩៕