សប្បាយចិត្តមិនខាន! ទាំងនេះ ជាគុណសម្បត្តិច្រើនឥតខ្ចោះដែលមានសង្សារចេះថតរូប
- 2020-10-22 08:06:00
- ចំនួនមតិ 0 | ចំនួនចែករំលែក 0
សប្បាយចិត្តមិនខាន! ទាំងនេះ ជាគុណសម្បត្តិច្រើនឥតខ្ចោះដែលមានសង្សារចេះថតរូប
បច្ចុប្បន្ន អ្នកណាក៏ចូលចិត្តថតរូបដែរមែនទេ? ហើយបើនិយាយពីអ្នកចេះថតរូបវិញ គឺគាត់ដឹងពីរបៀបចាប់ជ្រុង ព្រមទាំងមានបច្ចេកទេសថតខុសៗគ្នាថែមទៀត។ ដូច្នេះ មិនថាអាយុគម្លាតគ្នាប៉ុនណានោះទេ មានសង្សារជាអ្នកចេះថតរូប ច្បាស់ជាធ្វើឲ្យអ្នកសប្បាយចិត្ត រីកថ្លើមមិនខាន។ ថ្ងៃនេះ កញ្ញា នឹងចែករំលែករឿងរ៉ាវដែលមានសង្សារជាអ្នកចេះថតរូប ព្រោះផ្តល់គុណសម្បត្តិយ៉ាងច្រើនដល់បេះដូងរបស់អ្នក រួមទាំងទទួលបានរូបស្អាតៗថែមទៀត។
១. មានតិចនិកថតរូបបានស្អាត
មនុស្សដែលសិក្សាផ្នែកថតរូប តែងដឹងច្រើនពីជ្រុងនៃពន្លឺ បច្ចុប្បន្នភាពរបស់រូបដែលត្រូវបញ្ចូនបានយ៉ាងល្អ មិនថាជាប្រភេទថតរូបម្ហូប ថតទេសភាព ថតមនុស្ស ថតសត្វឆ្កែ ឬឆ្មានោះទេ ។ បច្ចេកទេសថតរបស់គាត់នឹងចេញមកខុសពីរូបដែលយើងថតលេងធម្មតាដោយខ្លួនឯង ។
២. ពណ៍របស់រូប ចេញមកត្រូវចិត្ត
ចំណុចសំខាន់មួយទៀត គឺរូបដែលគាត់ថតចេញ តម្រូវតាមចិត្តដែលយើងស្រលាញ់និងចង់បានតែម្តង។ ពេលដែលយើងឃើញទីតាំងរូបស្អាតៗហើយ គាត់នឹងសារ៉េយកពណ៍ពន្លឺឲ្យរូបនោះកាន់តែស្អាត ដោយមិនបាច់ខ្ជះខ្ជាយលុយទិញឧបករណ៍យកមករៀបបន្ថែមឡើយ ព្រោះមិត្តប្រុសបានបង្កើតរឿងទាំងនេះរួចទៅហើយ។
៣. ដឹងពីជ្រុងស្អាត
បើនិយាយពីជាងថតរូបដទៃ គេប្រហែលមិនដឹងឡើយថាជ្រុងនៃមុខរបស់របស់អ្នក ប៉ែកមួយណាស្អាត ហើយអ្នកក៏មានអារម្មណ៍អៀនពេលគេឲ្យអ្នកធ្វើកាយវិការអញ្ចេះអញ្ចុះ។ តែសម្រាប់មានមិត្តប្រុសជាអ្នកថតរូបវិញ គាត់ដឹងច្បាស់ណាស់ថា ប៉ែកខាងជ្រុងណានៃមុខរបស់អ្នកស្អាត ហើយកាយវិការថតវិញ គឺអ្នកអាចធ្វើបានតាមចិត្ត ដោយគ្មានអារម្មណ៍អៀនខ្មាស ឬទើសទាល់។
៤. កម្រិតរូបចេញមកច្បាស់ដូចប្រាថ្នា
មិនថាថតពេលងងឹត មុខមានមុខ ឬស្បែកមិនរលោង ក៏រូបថតរបស់អ្នកចេញមកស្អាតលើសពីការរំពឹងទុកដែរ ព្រោះនេះជាស្នាដៃឯករបស់មិត្តប្រុសកំពូលអ្នកថតរូបនោះអី។ លើសពីនេះ គាត់ថែមទាំងអាចកែរូបដែលមាន Background មិនស្អាត សម្រាប់អ្នកបានទៀតផង។
៥. ថតរូបបានស្អាតៗដោយ Free Free គ្មានដែនកំណត់
រឿងចុងក្រោយនេះ គឺថា អ្នកអាចថតរូបប៉ុន្មានសន្លឹកក៏បាន គឺ Free គ្មានដែនកំណត់ មិនថាថ្ងៃឬពេលវេលាណានោះទេ។ ម្យ៉ាងទៀត បើអ្នកចង់បានស្ទីលថតរូបតាមផ្លូវ ឬស្ទីល Alone អីក៏បាន គឺអ្នកចង់បានស្ទីលបែបណាក៏បាន សំខាន់គ្រាន់តែអនុញ្ញាតឲ្យមិត្តប្រុសដឹងជាមុន នោះគាត់នឹងរៀបចំឲ្យអ្នកជាមិនខាន។ អ្នកក៏មិនបាច់ត្រូវចំណាយលុយច្រើន លើការជួលគេឲ្យមកថតរូបនោះទេ។ ឃើញអត់! ថានេះហើយ គឺជាគុណសម្បត្តិដែលមានសង្សាចេះថតរូបឲ្យ គឺចំណេញច្រើនណាស់៕