ត្រូវគេប្រៀបធៀបគ្នាគ្មានថ្ងៃលោះ តែតាមការពិត Yang Mi វ៉ាមុខ Zhao Li Ying គ្រប់វិស័យទាំងអស់
- 2020-10-13 09:52:00
- ចំនួនមតិ 0 | ចំនួនចែករំលែក 0
ត្រូវគេប្រៀបធៀបគ្នាគ្មានថ្ងៃលោះ តែតាមការពិត Yang Mi វ៉ាមុខ Zhao Li Ying គ្រប់វិស័យទាំងអស់
នៅពេលនេះ ហ្វេនរបស់កំពូលតារាសម្ដែងស្រីចិនទាំង ២ គឺ Yang Mi និង Zhao Li Ying កំពុងតែឈ្លោះគ្នាយ៉ាងខ្លាំងនៅពេលអត្ថបទប្រៀបធៀបអ្នកទាំង ២ត្រូវបានចុះផ្សាយ។
មុននេះ អ្នកកាសែតម្នាក់បានចុះផ្សាយអត្ថបទសមិទ្ធិផលរបស់តារាសម្ដែងស្រីលំដាប់ A ទាំង ២របស់ចិនរួមមាន Yang Mi និង Zhao Li Ying។ អ្នកគាំទ្រជាច្រើនតែងតែគិតថា ស្រីស្អាតទាំង២ប្រាកដជាមានសមិទ្ធិផលប្រហាក់ប្រហែលគ្នាហើយ ព្រោះពួកគេតែងត្រូវគេប្រៀបធៀបជានិច្ច។
យ៉ាងណាក្ដី ក្រោយអត្ថបទលំអិតរបស់អ្នកកាសែតខាងលើ ទើបគេដឹងថា តាមការពិតតួរឿង និស្ស័យស្នេហ៍ទេវតា៣ជាតិ គឺលេចធ្លោជាងមិត្តការងារគ្រប់វិស័យទាំងអស់។
ជាក់ស្ដែង ខ្សែភាពយន្តទាំងអស់របស់ Yang Mi ទទួលពិន្ទុវិជ្ជាជីវៈខ្ពស់ជាងរបស់ Zhao Li Ying ហើយរឿងភាគទាំងនេះរួមមាន Eternal Love, The Interpreter និង Palace ជាដើម។ ចំណែកស្នាដៃរបស់តួរឿង និស្ស័យស្នេហ៍ដាវទេព មានពិន្ទុវិជ្ជាជីវៈសម្រាប់រឿងគឺទាបជាងច្រើន។
ទាក់ទងនឹងចំណូលខាងភាពយន្តវិញ Zhao Li Ying រកបានចំណូល ១០០លានយាន់ ( ១៥លានដុល្លារ)។ តួរលេខនេះសម្រាប់ Yang Mi គឺ ២.៥ពាន់លានយាន់ (៣៦៨លានដុល្លារ) ពោលគឺលើសគ្នា ២៥ដង។
ទាក់ទង នឹងតំណាងសាកលលោកវិញ Yang Mi គ្រងតំណែងសម្រាប់ប្រេនធំៗ ៤គឺ Estee Lauder, Victoria’s Secret, Crocs និង Stuart Weitzman។ តួលេខនេះសម្រាប់ Li Ying គឺសូន្យគត់តែម្ដង។ អត្ថបទខាងលើ កំពុងធ្វើឲ្យអ្នកគាំទ្ររបស់ Zhao Li Ying ខឹងយ៉ាងខ្លាំង ដ្បិតគេថា អ្នកកាសែតខាងលើកំពុងចង់បន្ទាបកេរ្តិ៍ឈ្មោះរបស់ Zhao Li Ying តែម្ដង៕