បញ្ឈប់ស្ត្រេសបានដោយខ្លួនឯងតាមវិធី៧យ៉ាងនេះ ដើម្បីឲ្យជីវិតរីករាយជាងមុន
- 2020-10-21 09:09:00
- ចំនួនមតិ 0 | ចំនួនចែករំលែក 0
បញ្ឈប់ស្ត្រេសបានដោយខ្លួនឯងតាមវិធី៧យ៉ាងនេះ ដើម្បីឲ្យជីវិតរីករាយជាងមុន
ការធុញថប់ បានធ្វើឲ្យមនុស្សជាច្រើនកើតទុក្ខរហូតទៅជាស្ត្រេស។ បញ្ហាជុំវិញទាំងនេះ វាអាចនឹងល្អប្រសើរ ប្រសិនបើយើងចេះបញ្ចប់ការដាក់សម្ពាធលើខ្លួនឯង។ អ្នកអាចចាប់ផ្ដើមដោយការដោះស្រាយបញ្ហា តាមរយៈការបង្កើតឲ្យជីវិតរស់នៅកាន់តែសប្បាយរីករាយជាងមុន ដោយពុំមានស្ត្រេសនិងក្ដីបារម្ភ។
១. សាកល្បងសកម្មភាពកម្សាន្តថ្មីៗក្នុងជីវិត
ពេលខ្លះពួកយើងមានអារម្មណ៍ថាស្ត្រេសពេក រហូតឈានទៅដល់ការគិតលើសកម្រិត។ នេះមកពីយើងចូលចិត្តក្តោបក្តាប់អ្វីគ្រប់យ៉ាងម្នាក់ឯងពេក។ ថ្វីបើក្នុងជីវិតនេះ យើងត្រូវមានទំនួលខុសត្រូវលើរឿងជាច្រើនក្តី តែចំណុចខ្លះ រាងកាយនិងចិត្តមិនអាចទទួលយកបានឡើយ។ ដូច្នេះ យើងត្រូវចំណាយពេលច្រើនបន្តិច កុំធ្វើតែរឿងដដែលៗពេញមួយឆ្នាំទៅមួយឆ្នាំ។ អ្នកអាចសាកល្បងសកម្មភាពកម្សាន្តថ្មីៗ ដូចជាលេងហ្គេម ដែលជាផ្នែកមួយអាចជួយឲ្យអ្នករីករាយជាងមុន និងទទួលបានបទពិសោធន៍ថ្មីផងដែរ។
សាកល្បងអំពីការស្រាវជ្រាវខាងលើនេះ មិត្តនារីៗអាច
ព័ត៌មានបន្ថែមពីការប្រកួត ៖ https://aog.sabay.com/news-detail?news=aog-mobile-battle-for-glory
២. បដិសេធរឿងមួយចំនួន
ដោយសារតែខ្លាចបាត់បង់ទំនាក់ទំនាក់ទំនង ខ្លាចបាត់ឱកាស ខ្លាចមិនហ៊ានសុំការពន្យារពេលពីនរណាម្នាក់ ធ្វើឲ្យអារម្មណ៍របស់យើងវិលវល់និងស្ត្រេសដល់កំពូល។ កុំរស់នៅដើម្បីតែចងចាំនិងទទួលយកគ្រប់យ៉ាងពីអ្នកដទៃអី យើងខ្លួនឯងក៏មានសិទ្ធបំពេញវាបានដែរ។ ដូច្នេះ ត្រូវផ្តល់អាទិភាពនិងរៀបចំបុគ្គលិកលក្ខណៈជីវិតនូវអ្វីដែលចង់ធ្វើ។ អ្នកក៏អាចរៀនឆ្លើយ No ដើម្បីកាត់បន្ថយព្រំដែនសម្ពាធ ជាជាងមិនហ៊ានហារមាត់ស្ដីហើយអង្គុយកើតទុក្ខម្នាក់ឯង។
៣. គិតនិងនិយាយគាំទ្រខ្លួនឯង
នៅពេលអារម្មណ៍កំពុងរងសម្ពាធ នោះគឺជាថ្ងៃដែលយើងត្រូវគ្រប់គ្រងផ្លូវចិត្តយ៉ាងណាឲ្យខំបន្តដើរទៅមុខទៀត។ កុំភ្លេចស្វែងរកមនុស្សសំខាន់ដែលអាចជួយប្រឹក្សាយោបល់ ព្យាយាមអានសៀវភៅល្អៗ មើលរឿងកំប្លែងៗ ឬចេញក្រៅដើរលេងពាក់ខោអាវស្អាតៗ ព្រមទាំងញញឹមឲ្យបានច្រើន និងមិនត្រូវរំលឹកពីរឿងអតីតនាំឲ្យហត់នឿយពេកនោះទេ។
៤. កុំរក្សាបញ្ហាស្ត្រេសទុកក្នុងចិត្ត
កុំកប់រឿងមិនសប្បាយក្នុងចិត្តរហូតដល់អារម្មណ៍លែងមានផាសុកភាព។ បើចង់យំ ត្រូវយំទៅ ហើយបើអ្នកចង់ចេញក្រៅដើរលេង ចង់ធ្វើរឿងអ្វីដែលចូលចិត្ត គួរធ្វើភ្លាមៗទៅ។ អាចណាត់មិត្តរបស់អ្នកច្រៀងខារ៉ាអូខេក៏បាន លេងហ្គេមក៏បាន ឬសរសេរបញ្ហាលើ Blog ផ្ទាល់ខ្លួនក៏បានដែរ។ កុំរក្សាបញ្ហាស្រ្តេសជាប់ខ្លួន ត្រូវធ្វើរឿងផ្សេងៗដែលជួយអ្នកឲ្យចៀសផុតពីគន្លងនៃសម្ពាធ។
៥. សមាធិ
អំឡុងពេលដែលចិត្តរបស់អ្នកកំពុងប្រឈមនឹងបញ្ហាស្ត្រេស អ្នកអាចដោះស្រាយដោយការបិទភ្នែកប្រហែល ៥-១០ នាទី ដកដង្ហើមវែងៗនិងសាកល្បងរាប់លេខម្ដងមួយៗ ហើយផឹកទឹកត្រជាក់មួយកែវ បន្ទាប់មកធ្វើចិត្តឲ្យស្ងប់។ អ្នកក៏ត្រូវផ្ដោតអារម្មណ៍លើរូបភាពណាមួយផ្សេងៗប្រហែល១នាទី ដើម្បីឲ្យអារម្មណ៍បានចាកឆ្ងាយពីបញ្ហាទុក្ខកំពុងវិលវល់៕