ត្រូវគេចាត់ទុកថាដូចព្រះពុទ្ធ ព្រោះមានឪពុកជាអ្នកមានទី ៣ម៉ាឡេស៊ី តែបែរជាទៅបួសទៅវិញ

2020-07-23 04:10:00
ចំនួនមតិ 0 | ចំនួនចែករំលែក 0

និយាយបាន ៨ភាសា និងធ្លាប់ទៅសិក្សានៅក្រៅប្រទេស ស្មានតែពេលត្រលប់មកវិញ Siripanyo នឹងស្នងតំណែងឪពុកដើម្បីរ៉ាប់រងជំនួញរបស់គ្រួសារ តែចុងបញ្ចប់លោកបែរជាដើរតាមគន្លងព្រះពុទ្ធទៅវិញ។

ប្រសិនបើអ្នកជាអ្នកស្នងមរតកស្ដុកស្ដម្ភ តើអ្នកដាច់ចិត្តចុះចោលគ្រប់បែបយ៉ាងឬអត់? ចម្លើយគឺបោះបង់ទាំងស្រុង សម្រាប់លោក Ajahn Siripanyo អ្នកស្នងមរតករបស់សេដ្ឋីមានទី ៣ប្រទេសម៉ាឡេស៊ី ដើម្បីទៅបួស។

តាមនោះដែរ Ajahn Siripanyo គឺជាកូនប្រុសរបស់មហាសេដ្ឋី Ananda Krishnan មានទ្រព្យសម្បត្តិ ៥ពាន់លានដុល្លារ និងជាអ្នកមានទី៣ ម៉ាឡេស៊ី។ យោងតាមបណ្ដាព័ត៌មាន SCMP, Siripanyo ធំដឹងក្ដីនៅប្រទេសអង់គ្លេស ជាមួយប្អូនស្រី២នាក់។ ដោយសារនៅស្រុកក្រៅទើបលោកចេះភាសាដល់ទៅ ៨ភាសា ផងដែរ មិនត្រឹមតែជាអ្នកមាននោះទេ លោកក៏មានសែស្រឡាយរាជវង្សដូចគ្នា ដោយឪពុករបស់លោក រៀបការជាមួយ លោកស្រី Momwajarongse Suprinda Chakraban ដែលជាសមាជិកក្នុងរាជវង្សថៃមួយរូប។

ព្រហ្មលិខិតធ្វើឲ្យលោកដើរតាមគន្លងព្រះពុទ្ធមកពី ដោយកាលពីអាយុ ១៨ឆ្នាំ លោកបានទៅថៃដើម្បីបួសរយៈពេលខ្លី តែលោកមិនដឹងឡើយថា ចាប់ពីពេលនោះទៅ លោកជាប់បួសជាង ២០ឆ្នាំមកហើយ។ នៅពេលនេះ លោកគឺជាចៅអធិការវត្តមួយនៅ Dtao Dum ដែលស្ថិតនៅព្រំដែនថៃ និងមីយ៉ាន់ម៉ា។

ដោយសារតែមានសែរាជវង្ស និងមហាសេដ្ឋី តែសម្រេចចិត្តទៅបួសនោះ ធ្វើឲ្យមនុស្សជាច្រើនគិតថាលោក ប្រៀបដូចជាព្រះពុទ្ធទី២នៅសម័យបច្ចុប្បន្ន៕