លោកតា៧០ឆ្នាំ ដឹកទូរសព្ទស្មាតហ្វូនជាង៦០គ្រឿងរាល់ថ្ងៃពេញផ្លូវ ដឹងហេតុពិតសឹងសន្លប់ឈរ

2020-06-29 05:05:00
ចំនួនមតិ 0 | ចំនួនចែករំលែក 0

លោកតាម្នាក់មកពីតៃវ៉ាន់ បានរកឃើញចំណង់ចំណូលចិត្តរបស់ខ្លួន ទោះបីជាមានវ័យជ្រេច្រើនហើយក៏ដោយ។ សកម្មភាពរបស់លោកតា ក៏ជួយលើកទឹកចិត្តដល់យុវវ័យជាច្រើនផងដែរ។

កាលពីខែ សីហា ឆ្នាំ២០១៨ រូបភាពលោកតាឈ្មោះ Chen Sayuan អាយុ៧០ឆ្នាំ រស់នៅទីក្រុងតៃប៉ិ ដឹកទូរសព្ទដៃច្រើនគ្រឿង ជិះកង់ពេញទីក្រុងត្រូវបានគេចែករំលែកពេញបណ្ដាញសង្គម។ យ៉ាងណាក្ដី នៅពេលនោះ ទូរសព្ទស្មាតហ្វូនរបស់លោកតា មានត្រឹមប្រមាណ១០គ្រឿងតែប៉ុណ្ណោះ។

រំលងបាន ២ឆ្នាំ ខណៈមនុស្សគ្រប់គ្នា ស្មានតែលោកតាខាងលើ បានសម្រាកហើយនោះ លោកតាស្រាប់តែ come back មកវិញសារជាថ្មី ដោយលើកនេះ ចំនួនទូរសព្ទឆ្លាតវៃបានកើនដល់ ៦៤គ្រឿងហើយ។ ក្រោយពេលសាកសួរនោះគឺ លោកតាប្រើទូរសព្ទទាំងនេះ ដើម្បីលេងហ្គេម Pokemon GO។

នៅក្នុងបទសម្ភាសន៍ជាមួយបណ្ដាញព័ត៌មាននានា លោកតា Sayuan បានឲ្យដឹងថា ខ្លួនចូលចិត្តហ្គេមនេះជាខ្លាំង។ ដោយសារតែដល់អាយុចូលនិវត្តន៍ហើយ ដូចនេះខ្លួនលោកក៏មានពេលច្រើនសម្រាប់លេងផងដែរ។ ហ្គេមនេះត្រូវបានណែនាំដោយ ចៅរបស់លោក ចាប់តាំងពីពេលនោះមក លោកតារត់គ្រប់ទិសទីដើម្បីចាប់ Pokemon។

ដើម្បីចាប់បាន Pokemon កាន់តែច្រើន លោកតាបានបង្កើតគណនីហ្គេមជាច្រើន ហើយទិញថែមទូរសព្ទជាបន្តបន្ទាប់ ដោយដំបូងគឺចាប់ផ្ដើមដោយ ២-៣គ្រឿង រហូតដល់ ៦៤គ្រឿងដូចសព្វថ្ងៃ។ ដើមឡើយកង់អាគុយរបស់លោកតា មានទម្ងន់ត្រឹមតែ ១០គីឡូប៉ុណ្ណោះ តែពេលនេះបូកទាំងទូរសព្ទគឺបានឡើងដល់ ២២គីឡូហើយ៕

ប្រភព៖ Kenh14 ប្រែសម្រួល៖ Caramel