៤ វិធីធ្វើឲ្យអតីតមិត្តប្រុសចង់វិលត្រលប់ មកផ្សះផ្សាជាមួយអ្នកម្តងទៀត

2020-06-04 10:15:00
ចំនួនមតិ 0 | ចំនួនចែករំលែក 0

នៅពេលមានមនុស្សស្រលាញ់ នឹងធ្វើឲ្យយើងរីករាយ ប៉ុន្តែប្រសិនបើយើងត្រូវបែកគ្នាវិញ វានឹងធ្វើឲ្យយើងប្រែជាសោកសៅ ជាមួយការរំពឹងទុកថាគាត់នឹងត្រលប់មករកយើងវិញដើម្បីសុំផ្សះផ្សាគ្នា។ ហេតុនេះ បើអ្នកកំពុងជួបបញ្ហាទាំងនេះ សាកល្បងតិចនិកខាងក្រោម ហើយច្បាស់ជាអតីតសង្សារងាកមកស្រលាញ់អ្នកវិញយ៉ាងប្រាកដ។

១. ធ្វើខ្លួនឲ្យស្អាតជាងមុន

ងាកមកស្រលាញ់ខ្លួនឯង និងយកចិត្តទុកដាក់ចំពោះខ្លួនឯងឲ្យបានច្រើនជាងមុន។ ចាប់ផ្តើមដោយការស្លៀករ៉ូប ធ្វើម៉ូដសក់ ផាត់មុខ ឲ្យមើលទៅស្អាតជាងកាលពីមុន។ នៅពេលដែលឃើញអ្នកស្រស់ស្អាត អតីតសង្សារនឹងស្តាយក្រោយដែលបោះបង់អ្នកចោល ហើយសូម្បីបុរសដទៃក៏សម្លឹងមើលនិងចង់បានអ្នកផងដែរ។

២. លុបចោលភាពសោកសៅឲ្យអស់

ធ្វើខ្លួនជាមនុស្សស្រីថ្មី គឺលុបចោលអនុស្សាវរីយ៍និងការមិនសប្បាយចិត្តចេញពីបេះដូងចោលឲ្យអស់។ មិនថាអ្នកចេញទៅធ្វើការ ជួបជុំមិត្តភក្កិ ឬគ្រាន់តែចេញក្រៅធម្មតាទេ ត្រូវព្យាយាមបង្កើតស្នាមញញឹម និងបង្ហាញភាពស្រស់ស្រាយឲ្យគ្រប់គ្នាបានឃើញ ទោះការពិតអ្នកនៅមានភាពល្វីងជូរចត់ក្នុងទ្រូងក៏ដោយ។ នេះនឹងធ្វើឲ្យ Ex យល់ថា អ្នកមិនបានស្តាយក្រោយពេលបែកគ្នាជាមួយគាត់ទេ ព្រោះអ្នកបង្ហាញពីការរស់នៅសប្បាយរីករាយ និងជីវិតរឹងមាំទោះគ្មានវត្តមានគាត់ក៏ដោយ។ លើសពីនេះ មានតែធ្វើឲ្យគាត់មានអារម្មណ៍ថាខុស ខ្មាសអៀនខ្លួនឯងដែលបានធ្វើខុសដាក់អ្នក និងចង់និយាយពាក្យសុំទោស។

៣. ផុសក្នុងបណ្តាញសង្គមពីជីវិតសប្បាយរីករាយរបស់អ្នក

បើសិនជាអ្នកបានចេញទៅដើរលេងកន្លែងណាមួយ ឬក៏ទៅញ៉ាំអីជាមួយមិត្តភក្កិជាដើម សកម្មភាពរបស់អ្នកគួរតែបង្ហាញនូវភាពសើចសប្បាយ និងការតុបតែងខ្លួនស្រស់ស្អាត។ កុំភ្លេចថតរូបហើយផុសចូល Facebook ឬ IG ហើយបើទោះពេលនេះអ្នកនិងអតីតសង្សារបាន Unfriend គ្នាចោលក៏ដោយ តែជឿថាមិត្តរបស់គាត់ ឬគាត់ផ្ទាល់នៅតែចូលមើល Profile អ្នកជាសម្ងាត់ដដែរ។ ម្ល៉ោះហើយ នៅពេលគាត់ឃើញអ្នកស្អាតពីមួយថ្ងៃទៅមួយថ្ងៃ មានជីវិតកាន់តែឡូយឆាយ សុខសប្បាយទាំងចិត្តនិងកាយបែបនេះ ច្បាស់ថាក្នុងចិត្តគាត់អន្ទះអន្ទែងចង់វិលមកវិញ និងស្រលាញ់អ្នកដល់ថ្ងៃស្លាប់។

៤. កែប្រែទម្លាប់ថ្មីឲ្យមើលទៅប្រសើរជាងមុន

ប្រសិនបើកាលពីមុន អ្នកកត់សម្គាល់ឃើញថាអ្នកមានទម្លាប់មួយចំនួនមិនសូវល្អ ដូចជាឆាប់ខឹង មួម៉ៅ ខ្ជិល … ឬអ្វីដែលអតីតសង្សារធ្លាប់និយាយថាមិនចូលចិត្តអ្នកជាដើម ដូច្នេះចាប់ពីឥលូវត្រូវកែប្រែចេញ។ ប្តូរមកជាទម្លាប់ថ្មី ជាមនុស្សស្រីថ្មីដែលមិនបង្ហាញអត្តចរិតដូចជាកូនក្មេង តែត្រូវមានភាពចាស់ទុំ និងចេះថ្លឹងថ្លែងជាងមុន។ តែក៏មិនម៉ឹងម៉ាត់ជ្រុល ត្រូវធ្វើជាមនុស្សស្រីដែលគេងាយចុះសម្រុង និងមានអាកប្បកិរិយាល្អ បើធ្វើបែបនេះបានមិនយូរទេ អតីតសង្សារនឹងស្វែងរកឱកាសវិលត្រលប់និងសុំផ្សះផ្សាគ្នាវិញជាមិនខាន៕

អានបន្ត៖ រឿងសំខាន់ៗដែលមនុស្សស្រីនៅលីវយូរត្រូវប្រាប់ខ្លួនឯងជានិច្ច

ប្រភព៖ gangbeauty ប្រែសម្រួល៖ លឹម សុនា