លួចទៅមើលមិត្តស្រីអនឡាញធ្វើការ បុរសម្នាក់ត្រលប់ទៅវិញ មិនខ្ចីណាត់ជួបទៀត ពេលឃើញមុខពិត

2020-05-27 02:45:00
ចំនួនមតិ 0 | ចំនួនចែករំលែក 0

មានអារម្មណ៍ថាខកចិត្តដោយសារសម្រស់ពិតរបស់សង្សារអនឡាញ បុរសមួយរូបបានត្រលប់ទៅវិញ បន្ទាប់មកក៏រអ៊ូនៅលើបណ្ដាញសង្គម។

ទោះបីជាដឹងថាក្រោយពេលមានស្នេហា ជីវិតនឹងផ្លាស់ប្ដូរជាងពេលនៅលីវ ដោយភាគច្រើននឹងស្មុគស្មាញជាងមុនក៏ដោយ តែមនុស្សជាច្រើននៅតែចង់ស្គាល់អារម្មណ៍មួយនេះ។ ខណៈមានវិធីច្រើនដើម្បីរកបានសង្សារនោះ រកមិត្តស្រី មិត្តប្រុសតាមអនឡាញនៅតែជាជម្រើសដែលយុវវ័យជ្រើសយក ត្បិតវាមានភាពងាយស្រួល។

យ៉ាងណាក្ដី ដូចនឹងទិញទំនិញអនឡាញដែរ រកមនោសញ្ចេតនាអនឡាញ គឺហេងស៊យដូចគ្នា។ ជាក់ស្ដែង បុរសម្នាក់អាយុ ២៦ឆ្នាំ មកពីខេត្ត Si Chuan ប្រទេសចិន មកដល់វ័យនេះទៅហើយ នៅតែមិនដែលមានស្នេហានឹងគេទាល់តែសោះ។ ហេតុដូចនេះហើយ ថ្ងៃមួយ ពេលឃើញនារីម្នាក់មានរូបសម្បត្តិគួរឲ្យស្រលាញ់ លោកមានក៏មានចិត្តស្នេហាផ្លេកបន្ទោរមួយរំពេច។

ទោះបីជាទើបនិយាយគ្នាបានតែ ១សប្ដាហ៍ក៏ដោយ តែដោយសារតែខាងស្រីមានរូបសម្បត្តិស្អាតពេកនោះ បានធ្វើខាងប្រុសចង់ជួបមុខយ៉ាងខ្លាំង។ តែមិនដឹងមកពីហេតុផលអី ខាងស្រីចេះតែបដិសេធមិនឲ្យជួបរហូត។

ទ្រាំមិនបាន បុរសវ័យ ២៦ឆ្នាំ បានលួចទៅដល់កន្លែងធ្វើការរបស់ខាងស្រីដោយមិនប្រាប់នាងមុនឡើយ។ នៅពេលបានមនុស្សម្នាក់ ចង្អុលប្រាប់ថាសង្សារខ្លួនកំពុងអង្គុយនៅទីណានោះ បេះដូងរបស់លោកក៏ប្រេះឆាទៅតាមនោះដែរ។ លោកមិនជឿថា មិត្តស្រីដែលមានមុខមិនចាញ់តារារបស់ខ្លួន បែរជាមានមុខពិតបែបនេះឡើយ។ សក់បះកន្ទើ្រង មុខមាត់ស្លេកស្លាំងរបស់នាង បានធ្វើឲ្យលោកសម្រេចចិត្តត្រលប់ទៅវិញភ្លាម ដោយគ្មានបានណាត់ជួបអ្វីទៀតទាំងអស់។

ទោះបីជារអ៊ូថាខ្លួនខកចិត្តនៅលើបណ្ដាញសង្គមក៏ដោយ តែបុរសរូបនេះក៏បានប្រាប់ថាលោកធូរចិត្តខ្លះដែរ ដែលបានដឹងលឿនបែបនេះ គ្រាន់បើជាងពេលដែលស្រលាញ់ខ្លាំងហើយ ទើបដឹងតាមក្រោយ៕

អានបន្ត៖ បុរសចិនស្ដាយក្រោយមួយជីវិត ព្រោះលក់ក្រលៀនទិញទូរសព្ទ iPhone ព្រោះរត់តាមជីវិតសម្ភារៈនិយម

ប្រភព៖ Kenh14 ប្រែសម្រួល៖ Caramel