៣ មូលហេតុដែលគូស្នេហ៍គ្រប់រូបមិនគួរឈ្លោះគ្នាតាមសារទូរសព្ទ បើមិនចង់ឲ្យបញ្ហារឹតតែធំ
- 2020-05-04 01:45:00
- ចំនួនមតិ 0 | ចំនួនចែករំលែក 0
៣ មូលហេតុដែលគូស្នេហ៍គ្រប់រូបមិនគួរឈ្លោះគ្នាតាមសារទូរសព្ទ បើមិនចង់ឲ្យបញ្ហារឹតតែធំ
ខាងក្រោមនេះគឺជាមូលហេតុជ្រាលជ្រៅទាំង៣ ដែលអ្នកមិនគួរយកជម្លោះមកឈ្លោះតាមសារទូរសព្ទ ឬកុំព្យូទ័រឡើយ បើមិនចង់ឲ្យចំណងមនោសញ្ចេតនារបស់ខ្លួនប្រេះរឹតតែធំ។
**១. មិនមានសុជីវធម៍**
គូស្នេហ៍មិនតិចឡើយដែលជ្រើសយកការឈ្លោះគ្នាតាមរយៈសារ ឬឆាត ព្រោះពួកគេជឿថានេះគឺជាការដោះស្រាយឆ្លាតវៃមួយ។ ដោយមិនចាំបាច់ជួបមុខគ្នា ឬទ្រាំមើលអាការៈខឹងសម្បាររបស់គ្នាទៅវិញទៅមក។ យ៉ាងណាក្ដី នេះគឺជាដំណោះស្រាយដែលមិនមានសុជីវធម៍ ដ្បិតអ្នកមិនត្រឹមតែមិនឲ្យឱកាសគេបកស្រាយឲ្យបានត្រឹមត្រូវនោះទេ អ្នកក៏គ្មានឱកាសបានបកស្រាយឲ្យបានក្បោះក្បាយដូចគ្នា ដ្បិតអក្សរសារគ្មានអារម្មណ៍នោះឡើយ មិនអាចបង្ហាញពីអារម្មណ៍ពិតនៃអ្នកកំពុងសេរសេរនោះទេ។
២. មិនអាចផ្ដោតអារម្មណ៍លើបញ្ហាបាន
ការឈ្លោះគ្នាតាមសារនេះ ធ្វើឲ្យអ្នកមិនអាចផ្ចង់អារម្មណ៍ដោះស្រាយបញ្ហាបានដូចពេលជួបគ្នានិយាយមុខទល់មុខឡើយ។ ដោយភាគច្រើន អ្នកដែលឈ្លោះគ្នាតាមសារនេះ បើមិនកំពុងជាប់ធ្វើការ ក៏រវល់នឹងអ្វីមួយដែរ។ កត្តានេះ ធ្វើឲ្យអ្នកអាចក្ដៅក្រហាយរឿងច្រើនក្នុងពេលតែមួយ ធ្វើឲ្យជម្លោះរបស់អ្នកទាំង២រឹតតែធំ។
៣. មិនអាចបង្ហាញពីអារម្មណ៍ពិតបាន
មិនថាសារជាអក្សរ ឬជាសំឡេងនោះទេ គឺមិនអាចបង្ហាញពីអារម្មណ៍ពិត១០០%នោះឡើយ។ មានរឿងក្នុងចិត្តជាច្រើនដែលមិនអាចបង្ហាញតាមរយៈអក្សរ ឬសំឡេងបានទាំងស្រុង។ ហើយក៏មានរឿងមិនតិចឡើយដែលអាចបង្ហាញចេញបានតែពេលនៅតទល់នឹងគ្នាប៉ុណ្ណោះ។ សរុបសេចក្ដីមក បើជម្លោះដែលមិនអាចដោះស្រាយបាន យកល្អគឺគូស្នេហ៍ទាំងអស់គួរណាត់គ្នាចេញក្រៅ ដោះស្រាយឲ្យដាច់ស្រេច ចៀសវាងនៅតែផ្ញើសារទៅមក តែដោះស្រាយអ្វីមិនចេញ៕
អានបន្ត៖ នាងចាកចេញមិនមែនដោយសារចិត្តដាច់ តែមកពីទង្វើឆោតល្ងង់ ១០ យ៉ាងរបស់អ្នកហ្នឹងហើយ