បះសក់ជាមួយ ទង្វើដែលអតីតមិត្តស្រីកំណត់ឲ្យ Kim Soo Hyun ដាច់ខាតត្រូវធ្វើដាក់នាង

2020-04-30 03:45:00
ចំនួនមតិ 0 | ចំនួនចែករំលែក 0

អ្នកគាំទ្រស្ទើរតែមិនជឿនឹងភ្នែកក្រោយពេលឃើញ សំបុត្រមួយច្បាប់ដែលអតីតសង្សារកំពូលតារាសម្ដែងប្រុសកូរ៉េ Kim Soo Hyun ត្រូវធ្វើនៅពេលស្រលាញ់នាង។

បណ្ដាញព័ត៌មាន Dispatch បានធ្វើឲ្យទស្សនិកជនភ្ញាក់ផ្អើលយ៉ាងខ្លាំងនៅពេលប្រភពមួយនេះ បានប្រកាសពី សំបុត្រកាលពី១២ឆ្នាំមុនរបស់អតីតមិត្តស្រីរបស់តារាសម្ដែងប្រុសល្បីឈ្មោះកូរ៉េ Kim Soo Hyun។ តាមនោះដែរ នៅក្នុងសារនេះ សង្សាររបស់តួរឿង សង្សារខ្ញុំជាមនុស្សភពផ្ដាយ បានមានសំណូមពរមួយចំនួនដែលហួសហេតុ មិនអាចធ្វើបានចំពោះប្រុសស្អាតខាងលើ។

សារលំអិតមានន័យដូចតទៅ៖

“បងត្រូវតែពិបាកចិត្តដោយសារខ្ញុំ ចង់ស្លាប់ដោយសារខ្ញុំ មានអារម្មណ៍ថាស្ដាយក្រោយដោយសារខ្ញុំ។ ទោះបីជាបងមើលឃើញអ្នកណាក៏ដោយ បងត្រូវតែគិតពីខ្ញុំ និងសំខាន់បំផុត បងមិនត្រូវសង្ស័យខ្ញុំឡើយ។ បងមិនត្រូវជ្រៀតជ្រែកចូលជីវិតខ្ញុំឡើយ ព្រោះវារំខានខ្លាំងណាស់។ ខ្ញុំពូកែជេរខ្លាំងណាស់ បងដឹងស្រាប់ហើយ។ តែពេលខ្ញុំត្រូវការបង បងត្រូវនៅក្បែរខ្ញុំ ខ្ញុំខ្វះខាតមនោសញ្ចេតនាខ្លាំងណាស់។ បងត្រូវតែរហ័សរហួនព្រោះ ខ្ញុំជាមនុស្សចិត្តក្ដៅ។ ហើយបងត្រូវទិញថ្នាំឲ្យខ្ញុំ ព្រោះខ្ញុំឧស្សាហ៍ឈឺ។ ចង្វាក់បេះដូងខ្ញុំមិនប្រក្រតីទេ ត្រូវតែវះកាត់។ បានហើយ ឥលូវព្យាយាមស្រលាញ់ខ្ញុំទៅ បើបងមិនអាចស្រលាញ់បានទេ មានតែបោះបង់។ ដល់ពេលនោះ ខ្ញុំនឹងយំដោយសារបង។ ពីអតីតមិត្តស្រីបង”

ក្រោយពេលសារនេះត្រូវបានគេចុះផ្សាយ អ្នកគាំទ្របានលាន់មាត់ថា នារីរូបនេះ ជាប្រភេទដែលនៅតោងទាមសង្សារចាស់ ទោះបីជាពួកគេបែកគ្នាហើយក៏ដោយ ហើយសកម្មភាពនេះធ្វើឲ្យគេខ្លាចជាខ្លាំង៕

អានបន្ត៖ ថាបានគឺធ្វើបាន ស្រីស្អាតម៉ាឡេស៊ី ប្ដេជ្ញាចិត្តសម្រកពី ១២២គីឡូ ឡើងស្អាតមើលមិនស្គាល់

ប្រភព៖ Koreaboo | Kenh14 ប្រែសម្រួល៖ Caramel