ត្រូវគេបង្ហោះរូបពិត ធាត់ជាងរូបកាត់តខ្លួនឯងមួយមេឃមួយដី តារាម៉ូដែលតៃវ៉ាន់ គំរាមប្ដឹងគេ
- 2020-04-16 04:35:00
- ចំនួនមតិ 0 | ចំនួនចែករំលែក 0
ត្រូវគេបង្ហោះរូបពិត ធាត់ជាងរូបកាត់តខ្លួនឯងមួយមេឃមួយដី តារាម៉ូដែលតៃវ៉ាន់ គំរាមប្ដឹងគេ
ក្រោយពេលរូបភាព រូបរាងពិតរបស់តារាម៉ូដែលស្រី Rosa Yin ត្រូវគេទម្លាយនោះ ទស្សនិកជនបានស្រងាកចិត្តជាខ្លាំង ដ្បិតកន្លងមកនេះគឺត្រូវនាងបោកប្រាស់ទាំងស្រុង។
ទទួលស្គាល់ថា ទាំងយើងទាំងគេ អ្នកណាក៏ចង់ស្អាតដែរក្នុងកែវភ្នែកអ្នកដទៃ ហេតុដូចនេះហើយ នៅលើបណ្ដាញសង្គមរៀងៗខ្លួន យើងតែងប្រើវិធីសាស្ត្រច្រើនដើម្បីជួយឲ្យរូបរបស់ខ្លួនបានស្អាតជាងមុន។ ដោយក្នុងនោះដែរ ចៀសមិននផុតពីការប្រើកម្មវិធី Edit ដើម្បីមើលទៅស្គមជាងនោះឡើយ ដ្បិតនៅសម័យដែលម្ហូបអាហារឆ្ងាញ់គ្រប់មុខនេះ គឺពិបាកថែរាងឲ្យស្រឡូនខ្លាំងណាស់។
យ៉ាងណាក្ដី គេតែងនិយាយថា ក្រដាសខ្ចប់ភ្លើងមិនជិតនោះឡើយ។ ជាក់ស្ដែង តារាម៉ូដែលស្រីម្នាក់មកពីកោះតៃវ៉ាន់ ឈ្មោះ Rosa Yin ទើបតែត្រូវបានគេបកអាក្រាត ការដែលនាង Edit រូបរបស់ខ្លួនជ្រុល ស្ទើរតែក្លាយជាមនុស្សមួយផ្សេងទៀតដើម្បីធ្វើការរកស៊ីអនឡាញ ដូចជាលក់ថ្នាំសម្រកទម្ងន់ជាដើម។
ជាក់ស្ដែង កាលពីថ្មីៗនេះ ស្រីស្អាតខាងលើ ត្រូវបានក្រុមហ៊ុនរថយន្តមួយអញ្ជើញមកថតផ្សាព្វផ្សាយស៊េរីឡានថ្មីរបស់ខ្លួន។ រូបភាពដែលស្រីស្អាតនេះបង្ហោះនោះ អាចនិយាយបានថាស្អាតឥតខ្ចោះ ជាមួយរូបរាងស្រឡូន គួរឲ្យស្ញប់ស្ញែង។ យ៉ាងណាក្ដី ក្រោយពេលនាងបង្ហោះរូបមិនយូរប៉ុន្មាន ក៏មានអ្នកចេញមុខបង្ហោះរូបពិតរបស់នាងដែលមិនទាន់ឆ្លងកាត់ការកាត់តឲ្យមើលទៅស្គម បង្ហាញឲ្យឃើញថា តារាម៉ូដែលនេះ មានរាងទ្រលុកទ្រលន់ ខុសឆ្ងាយពីរូបដែលនាងតែងបង្ហោះ។
ក្រោយពេលធ្លាយរូបនេះ តារាស្រីខាងលើបានក្ដៅក្រហាយជាខ្លាំង ដោយបានបិទគណនីបណ្ដាញសង្គមរបស់ខ្លួន ហើយគំរាមប្ដឹងអ្នកបង្ហោះរូបនេះសងថ្លៃជំងឺចិត្ត។ លើសពីនេះសន្យាថានឹងឲ្យអ្នកដែលរកឃើញអ្នកបង្ហោះរូបនេះ ៦០០ដុល្លារ។ ទោះជាយ៉ាងណាក៏ដោយ ទស្សនិកជនបានសម្ដែងការហត់នឿយចំពោះនារីខាងលើ ដ្បិតនាងវក់នឹងការកាត់តដែលខុសពីការពិតទាំងស្រុង៕
អានបន្ត៖ បានប្រុសស្អាតណាត់ទៅញ៉ាំអី នារីម្នាក់យំមិនចេញទឹកភ្នែក ព្រោះលទ្ធផលហួសចិត្តពេក