សាករូបមន្ត ៨យ៉ាងនេះអស់បារម្ភរឿងប្រេះកែងជើង

2018-08-20 09:22:11
ចំនួនមតិ 0 | ចំនួនចែករំលែក 0

១. ទឹកខ្ពុលមាត់និងទឹកខ្មេះ

វិធីប្រើ៖ មុនដំបូងអ្នកលាយទឹកខ្ពុលមាត់១កែវ ជាមួយទឹកខ្មេះ១កែវនិងទឹកធម្មតា២កែវ។ បន្ទាប់មកត្រាំជើងរបស់ចំនួន១៥នាទីហើយដកជើងចេញ។ ក្រោយមកយកជើងទៅខាត់នឹងថ្មខាត់ដើម្បីកម្ចាត់ស្បែកចាស់ៗចេញ ហើយលាងទឹកចេញ។ ធ្វើបែបនេះរាល់ថ្ងៃទាល់តែបាត់ប្រេះ។

២. ម្សៅអង្ករ ទឹកឃ្មុំ និងទឹកខ្មេះ

វិធីប្រើ៖ លាយម្សៅអង្ករ៣ស្លាបព្រាបាយនិងទឹកខ្មេះផ្លែប៉ោម២ទៅ៣ដំណក់ ជាមួយទឹកឃ្មុំ១ស្លាបព្រាបាយ។ រួចត្រាំជើងអ្នកជាមួយទឹកក្ដៅឧណ្ណៗ១០នាទី បន្ទាប់មកយលល្បាយមកលើកែងនិងបាតជើង។ អ្នកអាចធ្វើបែបនេះ២ឬ៣ដងក្នុងមួយសប្តាហ៍។

៣. ចេក

វិធីប្រើ៖ ក្រឡុកចេកទុំ២ផ្លែឱ្យម៉ត់ ត្រូវប្រាកដថាចេកទុំព្រោះចេកខ្ចីមានអាស៊ីដដែលអាចប៉ះពាល់ដល់ស្បែក។ យកចេកក្រឡុកនោះមកលាបឱ្យសព្វជើងចំនួន២០នាទីរួចលាងទឹកចេញ។ ធ្វើបែបរៀងរាល់ថ្ងៃមុនពេលគេង២សប្តាហ៍ អ្នកនឹងឃើញលទ្ធផល។

៤. ទឹកឃ្មុំ

វិធីប្រើ៖ បន្ថែមទឹកឃ្មុំ១កែវទៅក្នុងទឹកក្តៅឧណ្ណ ហើយអ្នកចាប់ផ្ដើមត្រាំជើងនិងម៉ាស្សាតិចៗ២០នាទី។ បន្ទាប់មកព្យាយាមដុសជើងជាមួយថ្មខាត់ ហើយជូតជើងឱ្យស្ងួតលាបផលិតផលផ្ដល់សំណើម។ អ្នកអាចធ្វើបែបនេះរាល់ថ្ងៃមុនចូលគេង។

៥. ប្រេងបន្លែ

វិធីប្រើ៖ លាងជើងអ្នកឱ្យស្អាត រួចជួតជើងឱ្យស្ងួត។ បន្ទាប់មកលាបប្រេងបន្លែលើកែងជើងនិងម្រាមជើងហើយពាក់ស្រោមជើងរួចទុកចោលពេញមួយយប់។ ធ្វើជាប្រចាំរៀងរាល់ថ្ងៃ។

៦. ម្សៅសូដា

វិធីប្រើ៖ ដាក់ម្សៅសូដា៣ស្លាបព្រាកាហ្វេទៅក្នុងទឹកក្ដៅឧណ្ណៗ១កូនចាន។ កូរទាល់តែ ម្សៅសូដារលាយរួចត្រាំជើង១៥នាទី ក្រោយមកយកថ្មខាត់មកខាត់កែងជើងនោះ។ បន្ទាប់មកលាងទឹកហើយជូតជើងឱ្យស្ងួត។ធ្វើបែបនេះ២ដងក្នុងមួយសប្តាហ៍

៧. ប្រទាលកន្ទុយក្រពើ

វិធីប្រើ៖ ត្រាំទឹកក្ដៅជើងហើយយកថ្មខាត់មកខាត់ដើម្បីកម្ចាត់ស្បែកងាប់ចោល។ បន្ទាប់មកជូតជើងហើយលាបជែលប្រទាលកន្ទុយក្រពើលើជើងហើយពាក់ស្រោមជើងទុកដល់ព្រឹកសឹមលាងជាមួយទឹកក្ដៅ។ ធ្វើបែបនេះ៤ទៅ៥យប់ច្បាស់ជាឃើញលទ្ធផល។

៨. Vaseline ជាមួយក្រូចឆ្មារ

វិធីប្រើ៖ ត្រាំជើងជាមួយទឹកក្ដៅ២០នាទី រួចលាងហើយជូតឱ្យស្ងួត។ លាយទឹកក្រូចឆ្មារ៣ឬ៛ដំណក់ ជាមួយនឹង Vaseline ១ស្លាបព្រាបាយ។ លាបល្បាយទៅលើកែងជើងនិងកន្លែងប្រេះផ្សេងៗទៀត។ ពាក់ស្រោមជើងទុកចោលមួយយប់រួចលាងទឹកក្ដៅចេញនៅពេលព្រឹក។ ធ្វើបែបនេះជាប្រចាំមុនចូលគេង៕

ប្រភព៖ Brightside ប្រែសម្រួល៖ តាន់ ច័ន្ទលក្ខិណា