ម៉ូដសម្លៀកបំពាក់ច្នៃចេញពីក្រមាខ្មែរ ពិតជាស្រស់ស្អាតអស្ចារ្យ

2018-07-31 09:23:35
ចំនួនមតិ 0 | ចំនួនចែករំលែក 0

កម្មវិធី «ក្រមាបង្ហាញម៉ូត» ឬ «Krama Fashion Show» ដែលបានប្រព្រឹត្តឡើងកាលពីពេលកន្លងទៅ បានបង្កើតឡើងក្នុងគោលបំណងចង់បង្ហាញពីភាពច្នៃប្រឌិតនិងទេពកោសល្យរបស់កូនខ្មែរ ក៏ដូចជាឆ្លុះបញ្ចាំងពីសមិទ្ធផលដែលអាចធ្វើឡើងពីក្រមា ដើម្បីបង្កើតនូវការចងចាំនៃប្រជាជនខ្មែរគ្រប់ស្រទាប់វណ្ណៈ និងផ្ដល់ឱកាសឲ្យកូនខ្មែរបានរួមគ្នាជាធ្លុងមួយផងដែរ ក្រោមប្រធានបទ «រួមគ្នាជឿថាខ្មែរធ្វើបាន»។

កម្មវិធីនេះដែរគឺដឹកនាំដោយឯកឧត្តម សំហេង បូរ៉ា អនុរដ្ឋលេខាធិការក្រសួងពាណិជ្ជកម្ម និងជាអនុប្រធានកម្មវិធីអមនៃកម្មវិធីបំបែកឯតទគ្គកម្មក្រមាវែងជាងគេលើពិភពលោក ព្រមទាំងមានការសម្របសម្រួលនិងរៀបចំដោយលោក សុខ បារ៉ាប៊ី និងចូលរួមរៀបចំដោយក្រុមការងារអមជាច្រើនរូបទៀតក៏ដូចជាក្រុមការងារក្រមាទាំងមូលផងដែរ ដែលបានរួបរួមគ្នាក្នុងស្មារតីសាមគ្គីគ្នាលើកតម្កើងពីសមត្ថភាពនៃកូនខ្មែរដូចជា អ្នកច្នៃម៉ូត អ្នកដើតម៉ូត អ្នកចម្រៀង អ្នកថតរូប ជាដើម។

លោក សុខ បារ៉ាប៊ី

ទិដ្ឋភាពខាងក្រោមនេះ គឺសុទ្ធតែជាសម្លៀកបំពាក់ដែលបានច្នៃនិងបង្ហាញម៉ូដពី៤ក្រុមផ្សេងគ្នាមានដូចជា **Maleang Design** **Mapa Design Kong Design** និង **Limkokwing University** ដែលមានភាពស្រស់ស្អាតប្លែកភ្នែកតែម្តង។