តិចនិកទាំង ៧ ជួយឲ្យការរស់នៅតែម្នាក់ឯងមិនមែនភាពឯកោ

2018-12-04 09:00:00
ចំនួនមតិ 0 | ចំនួនចែករំលែក 0

ការរស់នៅម្នាក់ឯង គេចមិនផុតពីភាពឯកោនោះទេ តែតាមការពិតពេលនៅតែឯងជីវិតអ្នកក៏រីករាយបានដែរ។ កញ្ញា សូមបង្ហាញពីតិចនិកខ្លះជួយឲ្យការរស់នៅគ្មានភាពឯកា៖

១.ចេញទៅខាងក្រៅ

អ្នកគួរតែចេញទៅធ្វើសកម្មភាពនៅខាងក្រៅផ្ទះដូចជាដើរផ្សារ ទៅហាត់ប្រាណ ដើរលេងកម្សាន្តតាមសួននានា។ បើអ្នកចង់រស់នៅដោយឯករាជ្យ និងមិនចេះឯកា គួរតែចេញទៅធ្វើការនៅខាងក្រៅឲ្យបានពេញមួយថ្ងៃ។

២.រកសត្វមកចិញ្ចឹម

សត្វចិញ្ចឹម គឺជាមិត្តភ័ក្ដិដ៏ល្អប្រសិនបើអ្នកមិនចង់រស់នៅម្នាក់ឯងសុទ្ធ។ នៅជាមួយសត្វចិញ្ចឹមដូចជាសត្វឆ្កែដ៏គួរឲ្យស្រលាញ់មួយ នឹងជួយឲ្យជីវិតរបស់អ្នកមិនដាច់ឆ្ងាយពេក។

៣.ឧស្សាហ៍ចេញទៅស្រូបពន្លឺព្រះអាទិត្យ

ជឿឬមិនជឿថា ពន្លឺព្រះអាទិត្យអាចជួយឲ្យអ្នកមានអារម្មណ៍ស្រស់ថ្លា ស្វាហាប់ ហើយមិនមានថាអារម្មណ៍ឯកោ។

៤.កំណត់ពេលលេងបណ្ដាញសង្គម

ចងចាំថាអ្វីដែលត្រូវបានបង្ហោះនៅលើបណ្ដាញសង្គមភាគច្រើន គឺត្រូវតែទទួលខុសត្រូវ។ វាមិនមានប្រយោជន៍ក្នុងការសម្លឹងមើលជីវិតរបស់អ្នកដទៃ រហូតដល់មានអារម្មណ៍ឯកោនោះទេ។ ដូចនេះកុំជក់ចិត្តនឹងបណ្ដាញសង្គមពេកអី។

៥.រកមូលហេតុដែលធ្វើឲ្យអ្នកមានអារម្មណ៍ឯកោ

ការរកមូលហេតុនៃភាពឯកាហាក់ដូចជាអ្វីដែលងាយស្រួល ប៉ុន្តែពិបាកធ្វើ។ ប៉ុន្តែប្រសិនបើអ្នកដឹងពីប្រភពដើមនៃអារម្មណ៍បែបនោះ អ្នកអាចជៀសវាងវា ហើយរកវិធី ដើម្បីដោះស្រាយវាឲ្យប្រសើរឡើងនៅពេលឃើញអ្នកដទៃមានគ្នា។ អ្នកនឹងជៀសវាងនាំខ្លួនទៅរកភាពឯកានោះ។

៦.ចូរគិតពីអត្ថប្រយោជន៍នៃការនៅម្នាក់ឯង

តើអ្នកអាចទទួលបានអ្វីខ្លះ? ការគិតពីអត្ថប្រយោជន៍នៃការរស់នៅតែម្នាក់ឯង គឺត្រូវគិតថាមានសេរីភាព អ្នកអាចធ្វើអ្វីដែលអ្នកចង់ធ្វើ។ អ្នកគួរប្រាប់ខ្លួនឯងបែបនេះ ទើបជីវិតរស់នៅតែឯងមិនកណ្ដោចកណ្ដែង។

៧.រៀនសប្បាយជាមួយខ្លួនឯង

អ្នកអាចចម្អិនម្ហូបឆ្ងាញ់ៗ រៀនដេរប៉ាក់ គូររូប ធ្វើនេះធ្វើនោះដែលជីវិតពីមុនមិនទាន់បានធ្វើ។ ប្រសិនបើអ្នកចូលចិត្តមើលភាពយន្ត បើកទូរទស្សន៍មើលរឿងដែលចង់មើលភ្លាមៗទៅ៕

ចុចអាន៖ស្រីៗឥឡូវមិនចង់រៀបការ ព្រោះតែហេតុផល ៦ យ៉ាងនេះ

ប្រភព៖ bkk ប្រែសម្រួល៖ ទ្រី រ៉ាវី