គន្លឹះតុបតែងមុខសម្រាប់ពេលថតរូបឲ្យចេញមកឃើញស្អាតជាងគេ
- 2017-12-20 02:00:00
- ចំនួនមតិ 0 | ចំនួនចែករំលែក 0
គន្លឹះតុបតែងមុខសម្រាប់ពេលថតរូបឲ្យចេញមកឃើញស្អាតជាងគេ
មនុស្សសម័យថ្មីចូលចិត្តការថតរូបខ្លាំងណាស់ ជាពិសេស style selfie មិនថាទៅដល់ទីណាឡើយ គឺត្រូវមានរូបយ៉ាងហោច ១ សន្លឹកដែរ។ ព្រោះតែដឹងថាមិត្តនារីចូលចិត្តការថតរូប ទើប កញ្ញា សូមបង្ហាញពីគន្លឹះតុបតែងមុខខ្លះៗ ដើម្បីឲ្យរូបចេញមកស្អាត និងមានភាពលេចធ្លោ។
១.ថ្ពាល់៖ បន្ទាប់ពីលាបម្សៅហើយ គួររកពណ៌ថ្ពាល់រៀងក្រហមព្រឿងៗ និងផាត់ឲ្យចំឆ្អឹងថ្ពាល់។
២.រោមភ្នែក៖ អ្នកគួរតែលាបម៉ាស្ការ៉ា ឬពាក់រោមភ្នែកក្លែងក្លាយ ដើម្បីឲ្យវាមើលទៅឃើញវែង ហើយភ្នែកនឹងស្រស់ស្អាតតាមនោះដែរ។
៣.ចិញ្ចើម៖ ចំណែកផ្នែកនេះវិញ គួរតែគូរកុំឲ្យក្រាស ឬដិតពេក ព្រោះមើលទៅមិនស៊ីគ្នានឹងថ្ពាល់ ឬរោមភ្នែកឡើយ។ គួរប្រើខ្មៅដៃគូរចិញ្ចើម ហើយពណ៌សូកូឡា ទើបឃើញស្អាត។ មួយវិញទៀតត្រូវជ្រើសរើសពណ៌ចិញ្ចើមឲ្យស៊ីគ្នាជាមួយពណ៌ភ្នែក និងសក់។
៤.ស្បែក៖ ផ្ដោតសំខាន់ទៅលើស្បែកមុខតែម្ដង ហើយគួរតែផាត់ឲ្យរលោង និងមានពណ៌ស៊ីជម្ពូផងដែរ ទើបពេលថតរូបមកឃើញស្អាត។
៥.ភ្នែក៖ ពណ៌ភ្នែកគួរតែជ្រើសរើសពណ៌ផ្កាឈូក ទឹកក្រូច ត្នោតខ្ចី មកផាត់លើត្របកភ្នែក។ ត្រូវចាំថាអ្នកផាត់សម្រាប់តែថតរូបធម្មតា ដូចនេះមិនគួរឲ្យពណ៌ដិត ឬផាត់ឲ្យធំពេកទេ៕
ចុចអាន៖២៥សន្លឹកឥទ្ធិពលផាត់មុខ និងម៉ូដសក់ពិតជាផ្លាស់ប្ដូរមនុស្សស្រីបានសាហាវមែន