សញ្ញា ៥ យ៉ាង ជួបស្នេហ៍ផ្លេកបន្ទោរ “ឃើញភ្លាមស្រឡាញ់ភ្លែត” ដោយផ្អែកតាមវិទ្យាសាស្ត្រ

2017-12-13 05:02:00
ចំនួនមតិ 0 | ចំនួនចែករំលែក 0

ឃើញភ្លាមស្រឡាញ់ភ្លែត មនុស្សមួយចំនួនគិតថាវាកើតឡើងតែក្នុងប្រលោមលោក ឬភាគកុនតែប៉ុណ្ណោះ។ ប៉ុន្តែ ដោយយោងតាមបទពិសោធន៍ផ្ទាល់ខ្លួន ក៏មានអ្នកប្រឆាំងថា វាពិតជាមានជាក់ស្ដែងប្រាកដមែន ព្រោះពួកគេធ្លាប់ឆ្លងកាត់។ ហើយដើម្បីបញ្ញាក់វាឲ្យកាន់តែច្បាស់ ខាងក្រោមនេះជាសញ្ញាទាំង៥ ដែលអាចឲ្យអ្នកដឹងថាខ្លួនឯងកំពុងតែធ្លាក់ក្នុងអន្លង់ស្នេហ៍ “ឃើញភ្លាមស្រឡាញ់ភ្លែត” ដោយផ្អែកតាមការសិក្សាបែបវិទ្យាសាស្ត្រ៖

១. អ្នកមានអារម្មណ៍មិនស្រួលក្នុងខ្លួន

អ្នកអាចគិតថាចម្លែក ហេតុអ្វីបានជាអ្នកបែរជាពិបាកក្នុងខ្លួនទៅវិញ ពេលអ្នកជួបមនុស្សដែលអ្នកលង់ស្រឡាញ់? ប៉ុន្តែវាជាការពិត អារម្មណ៍របស់អ្នកចាប់ផ្ដើមពោះកញ្ជ្រោល ពិបាកគ្រប់គ្រង រសាប់រសល់ ព្រោះអ្នកមិនដែលជួបស្ថានការណ៍បែបនេះពីមុនមក ហើយម្នាក់នោះបានជះឥទ្ធិពលខ្លាំង ដែលធ្វើឲ្យអ្នកបាត់បង់ម្ចាស់ការលើខ្លួនឯង។

២. ចង់ដឹងចង់ឮគ្រប់រឿងរ៉ាវទាក់ទងជាមួយគេ

អ្នកចង់ដឹងគ្រប់រឿងរ៉ាវដែលទាក់ទងជាមួយគេ តាមតែអាចទៅរួច ទាំងដែលខ្លួនឯងទើបតែជួបគេលើកទីមួយ។ ការងប់ងុលចង់នឹងព័ត៌មានលំអិតនៃជីវិតបច្ចុប្បន្ន ចំណង់ចំណូលចិត្ត ឬសកម្មភាពប្រចាំថ្ងៃរបស់គេ សបញ្ជាក់ឲ្យដឹងថាវាមិនមែនជាការចាប់អារម្មណ៍ធម្មតាៗ នោះទេ។

រូបតំណាង

៣. ក្នុងចំណោមមនុស្សជាច្រើន អ្នកមើលឃើញតែគេម្នាក់

ក្រសែភ្នែករបស់អ្នក លួចសម្លឹងមើលម្នាក់នោះគ្រប់ពេល ដោយមិនដឹងមូលហេតុ។ ក្នុងចំណោមមនុស្សជាច្រើន គេក្លាយជាមនុស្សម្នាក់ដែលលេចធ្លោគ្រប់សកម្មភាព។ វាពិតជារឿងចម្លែកណាស់ ព្រោះទោះអ្នកព្យាយាមក្រឡេកមើលអ្នកផ្សេង តែភ្នែកអ្នកបែរជាមិនស្ដាប់បញ្ជា រួចត្រឡប់មករកគេវិញ ដោយមិនដឹងខ្លួន។

រូបតំណាង

៤. មានអារម្មណ៍ថាធ្លាប់ស្គាល់គេពីមុន

ក្រោយពីសម្រួលអារម្មណ៍ដែលរសាប់រសល់ ឬរំភើបខ្លាំងបានបន្ទាប់ពីជួបគេគ្រាដំបូងហើយ អ្នកចាប់ផ្ដើមមានអារម្មណ៍ជាថ្មីថាធ្លាប់ស្គាល់ ឬជួបគេពីមុនមក។ វាហាក់បីដូចជាអ្នកធ្លាប់ស្និទ្ធស្នាល និងគេពីមុន។ អ្នកគិតថាគេជាមនុស្សពិសេស ដែលត្រូវបានព្រហ្មលិខិតតម្រូវឲ្យមកជួបអ្នកនៅពេលនេះ នៅទីកន្លែងនេះយ៉ាងប្រាកដ។

៥. សង្កេតនឹងព្យាយាមខ្លាំងក្នុងការស្គាល់គេ

ក្រោយស្គាល់គ្នាបានមួយរយៈ អ្នកព្យាយាមសង្កេតគ្រប់ចំនុចនៃអត្តចរិតរបស់គេ។ មិនថាចំនុចតូចតាចប៉ុណ្ណាក៏មិនអាចរំលងពីក្រសែភ្នែកអ្នកបានឡើយ។ អ្នករៀនពីចំនុចខ្លាំង និងចំនុចខ្សោយរបស់គេ។ គំនិត យោបល់ របស់គេជ្រួតជ្រាបពេញខួក្បាលរបស់អ្នក ដែលមិនអាចឲ្យអស់សល់កន្លែងទៅគិតរឿងផ្សេងទៀតបាន៕

ចុចអាន៖ទាល់តែឆ្លងកាត់រឿង ៣យ៉ាងនេះជាមួយគ្នាទើបបុរសម្នាក់នោះអាចក្លាយជាគូជីវិតអ្នកពិតប្រាកដ

ប្រភព៖ relrules អូន បញ្ញា