តារាសម្ដែងតៃវ៉ាន់ម្នាក់សម្រេចចិត្តលែងលះជាមួយប្ដី ដោយសារមិនអាចបង្កើតកូន និងគ្មានស្បូន....

2017-12-13 03:23:12
ចំនួនមតិ 0 | ចំនួនចែករំលែក 0

ក្រោយរៀបការបាន៥ឆ្នាំ តារាសម្ដែង Huang Yu Ying បានសម្រេចចិត្តលែងលះប្ដីនៅអាយុ៣៨ឆ្នាំ។ សារព័ត៌មានតៃវ៉ាន់មុននេះបន្តិចបានឲ្យដឹងថា តារាសម្ដែងស្រី Huang Yu ying និងស្វាមីបានសម្រេចចិត្តលែងលះគ្នាក្រោយរៀបការបាន៥ឆ្នាំ។ អ្នកទាំង២បែកគ្នាដោយស្ងៀមស្ងាត់ព្រោះមិនចង់ឲ្យមានរឿងច្រើន។

តាមនោះដែរ ក្រោយមង្គលការ ដោយសារតែសម្ពាធត្រូវកើតកូនឲ្យគ្រួសារខាងប្ដី តារារូបនេះវេទនាចិត្តខ្លាំងណាស់។ នាងសម្រេចចិត្តបញ្ចប់មនោសញ្ចេតនាមួយនេះដើម្បីទុកឱកាសឲ្យប្ដីមានប្រពន្ធថ្មី ដើម្បីមានកូននឹងគេ។

តាមការពិត តាំងពីអាយុ១៧ឆ្នាំម្ល៉េះដែលតារាស្រីរូបនេះដឹងថាខ្លួនកើតមកគ្មានស្បូនដូចស្រីដទៃ តែពេលស្រលាញ់គ្នា អតីតស្វាមីនាងប្រាប់ថាគ្មានបញ្ហាអ្វីឡើយ ហើយដល់ពេលរៀបការរួច គ្រួសារខាងប្ដីក៏មិនបានដាក់កំហិតឲ្យនាងមានកូនដែរ តែដោយសារតែគ្រួសារប្ដីល្អពេកទើបនាងចង់ឲ្យប្ដីរកអ្នកថ្មីដែលល្អជាងនាង។ លើសពីនេះទៅទៀត អតីតស្វាមីរបស់ស្រីស្អាតរូបនេះ ធ្លាប់បានឲ្យដឹងថា ម្ដាយរបស់លោកកើតជំងឺមហារីក ហើយឪពុកក៏ស្លាប់ហើយ នៅតែពឹងផ្អែកលើលោកដែលជាកូនប្រុសម្នាក់គត់ ទើបធ្វើឲ្យ Yu Ying សម្រេចចិត្តដូចនេះ៕