ទោះចាកចេញពី SM ក៏ Seohyun នៅតែស្និទ្ធស្នាលនឹង Yuri
- 2017-12-02 05:37:23
- ចំនួនមតិ 0 | ចំនួនចែករំលែក 0
ទោះចាកចេញពី SM ក៏ Seohyun នៅតែស្និទ្ធស្នាលនឹង Yuri
ក្រោយមិនបន្តកុងត្រាជាមួយផលិតកម្មចម្រៀង SM តារាចម្រៀង និងសម្ដែង Seohyun នៅតែបន្តមិត្តភាពជិតស្និទ្ធនឹងអតីតមិត្តរួមក្រុម ធ្វើឲ្យអ្នកគាំទ្ររីករាយជាខ្លាំង។
កាលពីល្ងាចថ្ងៃទី៣០ខែវិច្ឆិកាមុននេះ តារាចម្រៀងល្បីឈ្មោះ Yuri និង Seohyun ត្រូវបានគេប្រទះឃើញចូលរួមក្នុងកម្មវិធីមួយ ធ្វើឲ្យអ្នកគាំទ្រក្រុមចម្រៀង Girls' Generation ត្រេកអរយ៉ាងខ្លាំង។ ការជួបជុំគ្នាឡើងវិញរបស់ស្រីស្អាតទាំង២ទទួលបានការចាប់អារម្មណ៍យ៉ាងខ្លាំងពីបណ្ដាញព័ត៌មាននានា។
ទោះបីជាបានដើរចេញពីផលិតកម្ម SM ហើយក៏ដោយ តែ Seohyun មិនបានផ្ដាច់ទំនាក់ទំនងជាមួយមិត្តរួមក្រុមខ្លួនឡើយ។ មុននោះដែរ អ្នកគាំទ្រមិនតិចទេ ដែលបានព្រួយបារម្ភថា ខ្លាចសមាជិកទាំងឡាយដែលមិនបន្តកុងត្រា នឹងក្លាយទៅដូចជា អតីតសមាជិក Jessica ដែលលែងទាក់ទងជាមួយមិត្តរួមក្រុមតែម្ដង។ ក្រោយពេលឃើញភាពស្និទ្ធស្នាលរបស់តារាទាំង២ បណ្ដាញព័ត៌មានបានដាក់ចំណងជើងថា៖ "មានឈ្មោះជា Girls' Generation មួយថ្ងៃជាគឺជា Girls' Generation រហូត”៕
ចុចអាន៖Rain ទម្លាយថាកូនស្រីសំណាងដែលកាត់តាមម្ដាយ